ESRA 5:7 - Biblía Axweesantá Hhohho' ar Mungú 2004

⁷ Inooín barwarí ngina huwiyé' nee /aymi'iiká' kina baradií gooín, «Waawutmo Dario, waawutámo laawaay!

ESRA 5:7 Iomraidhean Croise

ESRA 4:17

Naagáy waawutmo mu/aywatsa gari ki/ís iri oó', «Amór Rehumu, geeraharusmoó slaqwaruuse nee Shimshai, goousmo, nee hhaeeín awa hatlá' awa baraá yaamaá Samariár hootá', nee yaamaá hatlá' awa gayuú /uwa awa yaaér Eufrate, laawaay.

ESRA 5:6

Gaarí an gooír taa huúw amór ga/aawusmo Tatenai kuduú yaamaá gayuú /uwa awa yaaér Eufrate, nee Shetar-bosenai, nee ga/aawuusér hatlá' kudá' gayuú yaaeérí diriiá', waawutmo Dario nguna barwiito'oórí gooiné'.

ESRA 5:8

«Kaangwí i xu'utiiti dír kuúnguú waawutmoowo adór atén nira hardahaán baraá yaamaá Yuda, dír doó Munguúdá' úr, do'odá' kwaa tleéhh ar tlaa/aá uren nee koo/irós kaa tleéhh ar xaa'aá diren. Gadiyeérí kan ilakaaharúr tlehhiit nee in gaanslár hi'ít.

DANIELI 3:9

Waawutmo Nebukadnesa kuri báy, «Aá waawutámo, kuúng sagók fur'a ngu laaleer,

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DANIELI 6:21

Danieli waawutmo guri báy, «Waawutámo, kuúng sakók fur'a ngu laaleer!

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.