ESRA 5:12 - Biblía Axweesantá Hhohho' ar Mungú 2004

¹² Ala qoomár baabi'iirén Munguú doori nee yaamu nguwa buhhtisiyé', ina buúhh giri haniís gawaá dabaá Nebukadnesa waawutmoó yaamaá Babuloni, heé Kaldayo, inós an heé do'owí gwaa hhitin, muu gurir tláy ay yaamaá Babuloni.

ESRA 5:12 Iomraidhean Croise

2 WAAWITÁ 24:2

AAKOÓ MUNGÚ guri xoordií tleés, xoorór Babuloni nee ar Aramu, nee ar Moabu, nee ar Amoni, yaamaá Yuda kiri i haratláy, nee yaamuudá' kiri hhaamiís adoodá' aáng AAKOÓ MUNGÚ aa oó' ar afér aaruuseerós.

2 WAAWITÁ 25:1

Bál slahhángw mibaangw tawa mibaangw oo kurkú gwaleél oo waawuti'iimár Sedekia, Nebukadnesa waawutmoó Babuloni nee slaqwaruuseerós nina haratlayé' baraá gixsár Yerusalemu, kari harweér, koo/ír gawit kari tleéhh.

2 QOM'I 36:20

Mukdaádá' sleémeero aa /uy tsu/utaaro guri ar tláy ay Babuloni, guri lawaaleerós tleéhh nee lawaalér daaqaywós ay qoomár waawuti'iimár Persia iwa iimu/uún.

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 5:29

Xáy, inqo máwa slahhto as muruuwí sleémeero naa tleehhi'i? Li/aay bu'uto uqo tsuwa máwa dír xoorór adór tihe? Anuú AAKOÓ MUNGÚ tí ngina oó'.

YEREMIA 51:59

Kaangwí an kudá' aarusmo Yeremia aa hara'ayín Seraya garmoó Neria, garmoó Ma'aseya, qoomár Seraya nee Sedekia waawutmoó Yuda tawa Babuloni káy, bál kurkú tsiyáhh oo waawuti'iimár Sedekia. Seraya a geeraharusmoó slaqwaruuse.

YEREMIA 52:12

Bál slahhángw kooán tawa mibaangw oo kurkú mibaá nee gwaleél iimír Nebukadnesa, waawutmoó Babuloni, waawuti'iima ngiwa iimu/ún, Nebusaradani geeraharusmoó úr oo xuumuuse, kudá' waawutmoó Babuloni sagadiyuús, ina dáh baraá gixsár Yerusalemu.

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 4:2

AAKOÓ MUNGÚ inooín giri máy kiwa baali nee Yabini, waawutmoó yaamaá Kana'ani, kudá' aa baraá Hasorír wa waawuti'in, nee Sisera yaamuloousmoó Harosheti-hagoimu, an geeraharusmoó slaqwaruusér Yabini.

HAR'OHUUSE 6:1

Xoorór Israeli tlehhma'aá tlakw gina tléhh dír geeraá AAKOÓ MUNGUHE, AAKOÓ MUNGÚ inooín giri haniís gawaá dabaá múk Midiani, har afiqoomár kureeri faanqwe.