ESRA 5:11 - Biblía Axweesantá Hhohho' ar Mungú 2004

¹¹ «Inooín gár atén taa bayé' a tí, ‹Atén a sagadiyuusér Munguú doori nee yaamu, aten do'duú aáng oo kureeraá yaariir, kudá' taa tleéhh nee waawutmoó ur oo Israeli, atén hamí un /abeemisaán.

ESRA 5:11 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

1 WAAWITÁ 6:38

Tam baraá kurkuduú mibaá nee wake iimír Solomon iwa waawuti'ín, slahhángw ta bay Buli gídaabá slahhángw dakaát, do' ina hhooáy nee umuúqo gaarose, ar adoodá' kara oó'. Har qoomoó kureeraá faanqwe Solomon i baraá tlehhma.

1 WAAWITÁ 9:10

Kureeraá mibeeraá tsár niwa waaraahhiyé', iimír Solomon maraydá' tsár ngiwa tleéhh, Doó AAKOÓ MUNGÚ nee doó waawutmowo,

ESRA 5:10

Atén sleeme umer'ín ana yaahasaán nee umér geeraharuuser'ine as ngiwa amoorók i gooimaan.

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

WARA'AMI 136:26

Munguú doori sluufmisaak, Asma sla'aarirós i warqeeraaká ay alhhe'eesay wasle!

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»

Matayo 10:32

«Heé aníng iga lamabu'un dír geeraá muko, aníng inós u ya/aám dír geeraá Baabuúeé' kuduú gawaá dooriiwo.

Luka 12:8

«Án a kah, heé aníng iga lamabu'un dír geeraá muko, inós ku ya/án nee Garmoó Hee dír geeraá malaykér Munguhe.

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 6:16

Kuungá' kaangwí u xuá'aáke? Kuungá' bir taa kiloohúng hanisé' amór aakooko as kuwa sagadiyusa', nee kuwa iialooeemisa', kuungá' daqaní a lawaalér heedaádá' ta iialooeemisa'. Kuungá' bar lawaalér tlakweema, lawaali'iimarí gár i hup a gwa'ara, ala bar lawaalér iialooeemis, lawaali'iimarí gár i hup a gan'amu.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»