ESRA 4:7 - Biblía Axweesantá Hhohho' ar Mungú 2004

⁷ Nee slám de'emaá waawuti'iimár Artashasta, waawutmoó Persia nee Bishlamu nee Mitredati nee Tabe'eli, waawutmo Artashasta kuna barwiito'órií gooín ar taa warqeés baraá tsifrír Aramu.

ESRA 4:7 Iomraidhean Croise

2 WAAWITÁ 18:26

Naagáy Eliakimu garmoó Hilkia, nee Shebna nee Yoa, heedaádá' úr oo múk taa karmuumúy nguri bayé', «Na'ás, axweés ar tsifrír Aramu, asma atén a axamisaán. Ma axweesaar ar tsifrír Ebrania asma mukqá' gawaá ságw koo/írí dirií' i axamiis.»

ESRA 4:1

Naagáy wakuusér múk Yuda nee Benyamini kawa axaás adór mukdá' naa baraá looháy wa waatl tar doó AAKOÓ MUNGÚ, Munguú Israeli tlehhiít,

ESRA 4:17

Naagáy waawutmo mu/aywatsa gari ki/ís iri oó', «Amór Rehumu, geeraharusmoó slaqwaruuse nee Shimshai, goousmo, nee hhaeeín awa hatlá' awa baraá yaamaá Samariár hootá', nee yaamaá hatlá' awa gayuú /uwa awa yaaér Eufrate, laawaay.

ESRA 4:8

Rehumu geeraharusmoó slaqwaruuse, nee Shimshai kuduú goousmo, barwárí kana adoorír gooín daanduú Yerusalemuwo amór waawutmo Artashasta,

ESRA 4:9

«Barwaárí amór i dahh a amór Rehumu geeraharusmoó slaqwaruuse nee Shimshai goousmo, nee hhaeeín awa hatlá', nee har'ohuuse nee ga/aawuuse, nee geeraharuusér múk Persia, kudá' aáng a múk Ereki, nee múk Babuloni, nee múk Susa tidár baraá yaamaá múk Elami,

ESRA 5:6

Gaarí an gooír taa huúw amór ga/aawusmo Tatenai kuduú yaamaá gayuú /uwa awa yaaér Eufrate, nee Shetar-bosenai, nee ga/aawuusér hatlá' kudá' gayuú yaaeérí diriiá', waawutmo Dario nguna barwiito'oórí gooiné'.

ESRA 7:1

Alaá kaangwihe qoomár waawuti'iimár Artashastawo, waawutmoó Persia, heeko i deer umuuwós a Esra. Esra garmoó Seraya, garmoó Asariya, garmoó Hilkia,

ESRA 8:36

Inooín sleeme hara'ayár waawutmo kari haniís dír geeraharuusér slaqwaruuse nee ga/aawuusér ayeemaá gayuú /uwa yaaér Eufratero, inooín muu kuri ale/iís nee doó Munguhe.

NEHEMIA 2:1

Qoomár slahhángw ta bay Nisani oo kurkú mibeeri tsár oo waawuti'iimár waawutmo Artashasta, qoomár difaái iwa dír geeraawós i diri', aníng difaái ana óh ngay dír waawutmoó i haniís. Aníng aga baloó gurhamuutiiká dír geeraá waawutmoowo qoomár aa waarahhi.

ISAYA 36:11

Aluuwo Eliakimu nee Shebna nee Yoa geeraharusmoodá' nguri bayé', «Na'ás, axweés ar tsifrír Aramu, asma atén a axamiisaán, ma axwesaar ar tsifrír Ebrania, asma múk gawaá koo/ír wa xumiís i axamiis.»

DANIELI 11:2

Hám daxta looeemaá kangwdá' ngi dirógí i oó'.» «Ga/aaweek, waawituú hatlá' tám yaamaá Persia gi sawaawuti'ín. Aluuine waawutmoó tsiyáhh oo daqaari'iimaro gi baá/ yaamaá Persia gi sawaawuti'ín. Qoomár /uuru burngwa sláy ar daqari'iimarós i haraatláy amór waawutmoó Griki.

DANIELI 2:4

Naagáy múk Kaldayo tari ilawaáts amór waawutmo ar tsifrír Aramu tari oó', «Waawútámo sagók fur'a ngu laaleer. Tlataawók dirén i ooang, atén gadaádá' tara tlatitiín ngi ooaán.»