ESRA 4:24 - Biblía Axweesantá Hhohho' ar Mungú 2004

²⁴ Doó AAKOÓ Mungú kuduú baraá gixsár Yerusalemu tlehhtuuwo kuri máy ay kurkú tsár oo waawuti'iimár waawutmo Dario, waawutmoó yaamaá Persia.

ESRA 4:24 Iomraidhean Croise

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ESRA 4:23

Tam alaá barwaarír waawutmo Artashasta kawa soomuús dír Rehumu, geeraharusmoó slaqwaruuse nee Shimshai, goousmo, nee hhaeeín, tari gaanslár tláy ay Yerusalemu amór múk Yahudi ar /uuru nee aleesleemu, mukdá' kway ilaá/.

ESRA 4:5

Geeraharuuse ngari slukuné' as gadiyeédá' kawa si'i iimír deelo sleémeero ar Koreshi waawutmoó yaamaá Persia, tay de'emaá waawuti'iimár waawutmo Dario, waawutmoó yaamaá Persia.

ESRA 5:1

Naagáy aaruuse, Hagai nee Sekaria garmoó Ido, tana aariirín dír múk Yahudi kuduú baraá yaamaá Yerusalemu nee Yuda, ar umuú Munguú Israeli.

ESRA 5:5

Ala iltá Mungú i amór bariisér múk Yahudír ga/eér as ngiwa xun, inooín gadiyeé ngaa may'iiká ay qoomár kaangwí iwa hardáh dír Dario, nee kaangwí kunguri ki/ís ar barwiito'o.

ESRA 6:1

Naagáy waawutmo Dario hara'aya gari oó', leelehhit kuri iimu/ún baraá gixsár Babuloniro baraá do'odá' muruú inslaslángw wa hariím oo waawutmo kway baabatsi.

ESRA 6:14

Nee bariisér múk Yahudi tay kumiít tlehhmuuwo, gadiyeé iri ya/aán ar adoodá' aaru'uumár aarusmo Hagai nee Sekaria garmoó Ido i diri'. Inooín tlehhmuú doó Mungú kuri hhe'eés ar adoodá' kira hara'ayín nee Munguú Israeli, nee ar adoodá' kara oó' nee Koreshi, nee Dario, nee Artashasta waawutmoó yaamaá Persia.

ESRA 6:15

Do'owí iwa hhooáy tlehhmuuwo a bál slahhángw Adari tawa tám, baraá kurkú lahhoó' oo waawuti'iimár waawutmo Dario.

NEHEMIA 6:3

Aníng ya/abuuse ana amor'ín i ya/aáw ana oó', «Gadiyeérí ni tleehh ka ur tam daqeemuú amorhúng ngu aleeslawaaká, hám gár gadiyeé ngis maw nay /eét amorhúng a milá?»

NEHEMIA 6:9

Asma inooín adoorí kana tleéhh as tiwa dae tsatiya' tawa kaahi, «Inooín i daba' tsatiitiyá', nee gadiyeé ngiri harslaaqatiyá'.» Ala aníng Munguúeé' nguri firiím niwa kah, «Aá Mungú, kuúng dabaaeé' /uurií qaaseek.»

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

DANIELI 11:2

Hám daxta looeemaá kangwdá' ngi dirógí i oó'.» «Ga/aaweek, waawituú hatlá' tám yaamaá Persia gi sawaawuti'ín. Aluuine waawutmoó tsiyáhh oo daqaari'iimaro gi baá/ yaamaá Persia gi sawaawuti'ín. Qoomár /uuru burngwa sláy ar daqari'iimarós i haraatláy amór waawutmoó Griki.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:15

Adoorí iwa tleehharút a bál slahhángw lahhoó' tawa mibeeri tsár nee tsiyáhh, kurkú tsár iimír Dario iwa waawuti'ín.

HAGAI 2:15

«Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

HAGAI 2:18

Baalaarír laarí ar slahhángw gwaleél tawa mibeeri tsár nee tsiyáhh, an baalár iihhafiirír Doó AAKOÓ MUNGÚ tleehhamooro iwa hhooeér. Gimsé', iimír laarí wa tleemu ay amoosír aluuwo muruú ti'imiít alhooreemisaak.

SEKARIA 1:1

Slahhángw dakaát oo kurkú tsár iimír Dario waawutmoó Persia iwa waawuti'ín, aarusmo Sekaria garmoó Berekia garmoó Ido, axweesantá AAKOÓ MUNGÚ gana axaás ar kah,

1 Tesalonike 2:18

Gawaá adoorihe ana sla'aán niwa daqawan. Anuú Paulo har geeraawo daqeemu una iiár, ay sagaáwa tsár sleeme. Ala Neetlaangw loohirén gari kaangaár.