ESRA 4:2 - Biblía Axweesantá Hhohho' ar Mungú 2004

² Serubabeli nguri i tseewuyé', nee kudá' uren awa tlahh'aá baabi'i kiri báy, «Atén a tleehhitaán dinkwa nee kuungá', asma Munguúhúng un sluufmisaán adór kuungá' wa ale, atén un ilahhooár muruú ta tsu/i hanmamisaán iimír Esar-hadoni, wawutmoó Ashuru kudá' taa diirí huuw.»

ESRA 4:2 Iomraidhean Croise

IIMU/UUNGW 10:11

Inós ina tláy baraá yaamuudá' wa alé ay yaamaá Ashuru. Gixsár Ninewi gari yaamuudá' i tleéhh, nee Rehobot-iri, nee Kala,

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

2 WAAWITÁ 17:41

Ala mukdaádá' AAKOÓ MUNGÚ nguna sluufmiisiyé', slám bartaqae inooín murslaaqatuín kudá' naa tleehhiyé' ar dabaaín nguna sagadiyusiyé'. Tam ay laarí na/ii'ín nee na/aá nangw'ine aqo adoodár kilá' ar xwaylitér'ín aa tlehhít ngina tleehhiyé'.

2 WAAWITÁ 19:37

Looarka wake Senakeribu iwa munguúwós sluufmiisi baraá doó Nisroki munguúwós, daaqaywós oo tsár, Adrameleki nee Shareseri nguri gaasiyé' ar paánga, inooín tari tlatlaáhh ay yaamaá Ararati. Garmaawós Esarhadoni iri waawuti'ín kitaangós wa alé.

ESRA 1:5

Aluuwo mukdá' urén oo tlahh'aá taati'i, oo Yuda, nee Benyamini, nee kaahamuuseero nee múk tlahhoó Laáwi, umuúqo heewo kudá' muunaáwós Mungú aa gwarangwaár tari tláy, as Doó AAKOÓ MUNGÚ kuwa tleehhi, kuduú baraá gixsár Yerusalemu.

ESRA 2:2

Inooín tina alkoné' nee Serubabeli nee Yeshua, nee Nehemia, nee Seraya, nee Re'elaya, nee Mordekai, nee Bilshani, nee Mispari, nee Bigwai, nee Rehumu nee Ba'ana. Faarór hhawaataá tlahh'aá Israeli a tí:

ESRA 3:12

Ala kaahamuusér yaariir nee múk tlahhoó Laáwi nee kudá' uren awa tlahh'aá taati'i, nee múk aa diimaadin kudá' doó geera ngwaa ariye', qoomár iihhafiirír do'owí ngiwa ariyé', tana /aa/aamín ar afór ur, tam bahh'ale i tsimaahhuusiia ar qwala/.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 73:8

Muu ngun niqmisiyá' nee ngu muruú tlákwií kaahiyá', i daara/aná' i adór warqeemisiyá' ar muu ngur baramaanuusiya'.

ISAYA 37:37

Naagáy waawutmo Senakeribu oo Ashuru iri tláy, iri waátl, iri Ninewír wa hoót.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

2 Timoteo 3:8

Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.