ESRA 4:1 - Biblía Axweesantá Hhohho' ar Mungú 2004

¹ Naagáy wakuusér múk Yuda nee Benyamini kawa axaás adór mukdá' naa baraá looháy wa waatl tar doó AAKOÓ MUNGÚ, Munguú Israeli tlehhiít,

ESRA 4:1 Iomraidhean Croise

ESRA 1:11

Xoslu sleémeero awa sahaábu, nee awa peésa dinkwaaro a kume kooán nee tsiire tsiyáhh. Kuká' sleémeero Sheshbasa gina ar tláy qoomár mukdá' ta lohaatís iwa ti'imiiti Babulonír wa ale ay yaamaá Yerusalemu.

ESRA 10:16

Naagáy mukdá' sleémeero naa baraá looháy wa waatl adoorí kari ya/án. Kaahamusmo Esra hhawaate giri paraátl baraá tla/ángw geeraharuusér uren ar tlahhi'i wa alé, nee umer'ín gari gooín. Tana iwiít bál slahhángw mibaangw tawa wak as kaangwí kuwa alqayti.

ESRA 10:7

Afo kari ilahariís baraá Yuda sleémeero nee Yerusalemuro, amór mukdá' sleémeero naa baraá looháy wa waatl tawa burumburiiti baraá yaamaá Yerusalemu.

ESRA 3:13

Tam muu afór qwala/ nee ar /aa/eewo paraatlaro gari harslaaqaát. Asma muu ina tsimahhuús ar afór ur, tsimaahhir'ín tsee/a gari tsatát.

ESRA 6:16

Múk Israeli, nee kahaamuuse nee múk tlahhoó Laáwi, nee múk hatlá' oo naa baraá looháy wa waatl, do'owuú Mungú kuri aldafín ar qwal/uú yaariír.

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

DANIELI 5:13

Naagáy Danieli kuri huúw dír geeraá waawutmo, waawutmo guri yaahaás, «Xáy, kuúng a heedaádá' ta báya Danieli, kudá' baabuúeé' waawutmo naa baraá yaamaá Yuda wa húwi?

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

1 Korinto 16:9

Asma pa/ángw hhoó' kungwa haniís oo gadiyér ur ngiwa ló'wa tleehh, tam múk yaariír oo aníng i baqamiím i deero.