ESRA 3:9 - Biblía Axweesantá Hhohho' ar Mungú 2004

⁹ Yeshua nee daaqaywós nee hhaeewose, nee Kadmieli nee daaqaywose kuduú tlahhoó Yuda, inooín sleémeero gadiyér tlehhmuú doó Mungú ngina sagesihhitiyé', kiwa alee/iimisi nee daaqoó Henadadi nee hhaeeín awa tlahhoó Laáwi.

ESRA 3:9 Iomraidhean Croise

1 QOM'I 23:4

Waawutmo Daudi baraá tla/ángw mukdae múk kume mibeeri tsár nee tsiyáhh guri qaás gadiyér Doó AAKOÓ MUNGÚ ngiwa sagesihhmitiya'. Múk kume lahhoó' a geeraharuuse nee har'ohuuse,

2 QOM'I 34:12

Muu gadiyeérí gana tlehhiít ar inkihhimu. Múk tlahhoó Laáwi oo geeraharuusér mukwí oo taa qaás a kwí: Yahati nee Obadia awa guruú doó Merari, dinkwa nee Sekaria nee Meshulamu kudaá guruú doo Kohati. Múk tlahhoó Laáwi oo hatlá' xooslaá daa'aangw slahhto ki ló'wa xuu'.

ESRA 2:40

Múk Laáwi oo naa baraá looháy wa waatl a kwí: Xwaylár Hodafia ar guruú doó Yeshua nee Kadmieli a mibeeri faanqw nee tsiyáhh.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

NEHEMIA 3:24

Iimír doó Asariya wa tleemu ay didá' koo/i niwa warqeér kana /abeés tlehhmuuwo nee Binui garmoó Henadadi.

NEHEMIA 7:43

Múk tlahhoó Laáwi kwí: Hhay Yeshua awa guruú doó Kadmieli nee awa Hodafia a mibeeri faanqw nee tsiyáhh.