ESRA 3:7 - Biblía Axweesantá Hhohho' ar Mungú 2004

⁷ Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

ESRA 3:7 Iomraidhean Croise

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

1 WAAWITÁ 5:6

Gám muu ya/aweek, sahhtár Lebanoni kingi tsati. Sagadiyuseerók a buú' ar adór ngiraqo oi, slám kuúng an qo xú' adór heé sahhta tlaquuwo ga xuú' adór múk Sidonír wa alé ir káhh.»

2 WAAWITÁ 12:10

Qoomár barka ár peésa aa tláhh baraá sandakmodae, goousmoó waawutmo nee kaahamusmoó úr oo Mungú tan dah peésaadá' kari faar, nee kari tsegiit baraá warqama', kari baats.

2 WAAWITÁ 12:13

Ala peésaarí kaa burumburiiká as iimpedudaá peésa kiwa tleehhi, makaasír támboó mishumaa, nee búklaaywo nee tarumbeéta laqaá xooslár hatlá' ar sahaábu laqaá ar peésa.

2 QOM'I 34:10

Peésaadá' kari haniís dír mukdá' doó AAKOÓ MUNGÚ gwa sagesihiit qoomár kuwa iislukun, nee dír mukdá' aa gadiyuus baraá doó Mungú wa ale, as do' kuwa iislukun nee kuwa /abeemisi.

ESRA 3:6

Iimír bál slahhángw faanqw tawa wak muu ilahhooár da/a gana iimu/ún kawa AAKOÓ MUNGÚ i hanmiisi. Ala qoomaarihe Doó AAKOÓ MUNGÚ kwaa iimu/uniiká iihhafiiriro.

ESEKIELI 27:17

Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

Tlehhema'aá ya/Abuuse 12:20

Herode iri ló' wa buúhh dír múk Tiro nee Sidoni. Inooín kuri hara daqáy ar muunuú wakleeli'iima. Blasto kuna mulqi'iimár i tleéhh, asma Blasto an heé doó gu'utér waawutmo gu amohhe'eemiís. Tari wayduú áy amór Herode, asma múk yaamuuín muruú /ayma dír nguwa slaslay a dír yaamaá waawutmo.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

Tlehhema'aá ya/Abuuse 9:38

Gixsár Lida ka tseew dír Yoparo. Eeharuuse gari axás adór Petro ir amoodií dirií'. Múk tsár guna amoorósí ya/áp. Petro kuri harhheehhe'eés, kuri báy, «Qwaláng ar gaanslaay.»

Tlehhema'aá ya/Abuuse 9:43

Petro deelór hhaawaaká gana hhe'eés baraá Yopár wa ale dír doó heeko ta bay Simonú kadaá tlehhahhiít.