ESRA 3:13 - Biblía Axweesantá Hhohho' ar Mungú 2004

¹³ Tam muu afór qwala/ nee ar /aa/eewo paraatlaro gari harslaaqaát. Asma muu ina tsimahhuús ar afór ur, tsimaahhir'ín tsee/a gari tsatát.

ESRA 3:13 Iomraidhean Croise

1 WAAWITÁ 1:40

Muu sleémeero iri aluuwós wa eeharín ta hara filiímboó ufahhán, tari ló'wa qwalalaá/, yaamu niri xwaxwaiyé' tsimaahhiro.

1 WAAWITÁ 1:45

Kaahamusmo Sadoki nee aarusmo Natani, inós ngway di/tár iimbalaaxiyé' as tawa waawutmo amór Gihonír wa ale. Inooín nina didá' wa tlayé' ar bara/, tam gixsa iri ilaaót. An tsimaahhidá' taa axasé'.

ESRA 3:12

Ala kaahamuusér yaariir nee múk tlahhoó Laáwi nee kudá' uren awa tlahh'aá taati'i, nee múk aa diimaadin kudá' doó geera ngwaa ariye', qoomár iihhafiirír do'owí ngiwa ariyé', tana /aa/aamín ar afór ur, tam bahh'ale i tsimaahhuusiia ar qwala/.

ESRA 4:1

Naagáy wakuusér múk Yuda nee Benyamini kawa axaás adór mukdá' naa baraá looháy wa waatl tar doó AAKOÓ MUNGÚ, Munguú Israeli tlehhiít,

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

WARA'AMI 5:11

Ala kudá' sleémeero na amoorógí guwiye' i qwalaala/iye'. Daqisleém i daaiye' ar bara/. Inooín kuúng na de'eemeek. Kudá' umuuwók ngu sla'á', kuúng un sa qwalaala/iyá'.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

HAR'OHUUSE 2:5

Inooín umuú didá' kway báy Bokimu, amoodae ilahhooár muruú ta tsu/i ngiri haniisiyé' dír AAKOÓ MUNGÚ.

1 SAMUELI 4:5

Sandakmoó alqadór AAKOÓ MUNGÚ iwa sa dáh baraá xafi, xoorór Israeli iri tsimaahhús ar afór ur, yaamu niri ilaoohiyé'.