ESRA 3:10 - Biblía Axweesantá Hhohho' ar Mungú 2004

¹⁰ Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

ESRA 3:10 Iomraidhean Croise

1 QOM'I 15:24

Kaahamuusér Mungú ar tarumbeétár ufahhaam geeraá sandakmoó Mungú wa alé a tí: Shebania, nee Yoshafati, nee Netaneli, nee Amasai, nee Sekaria nee Benaya nee Elieseri. Obed-edomu nee Yehia kina xuumuusér sandakmoó Mungú wa qaás.

1 QOM'I 15:27

Daudi hiyoó taa tleéhh ar kitaáni guna dahaás, nee múk tlahhoó Laáwiwo kudá' sandakmoó alqadór loohiís nee daauuseero nee Kenania, geeraharusmoó daauuse. Daudi sleeme naifeéra gana dahaás ar taa tleéhh ar kitaáni.

1 QOM'I 16:37

Waawutmo Daudi Asafu nee hhaeewós giri dír geeraá sandakmoó alqadór AAKOÓ MUNGÚ i máy, niwa didá' wa gadiyuusiya' as umuú baalaaro gadiyér hariim ngiwa tleehhiya'.

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

1 QOM'I 23:5

nee múk kume tsiyáhh a xuumuusér afér gixsa, múk hatlá' oo kume tsiyáhh guna qaás AAKOÓ MUNGÚ nguwa xirfayeemisiya' ar xooslaá daa'aangw kudá' waawutmo aa haniís as gadiyeérí.

1 QOM'I 25:25

Ar mibaá nee dakaát heé aa sleér a Hanani nee daaqaywós, nee hhaeewós sleémeero dinkwaaro a mibaá nee tsár.

2 QOM'I 35:14

Alaá tí sleémeero múk Laáwi fu'unay'ín giri amoohhe'eés, as inooín nee kaahamuusér Mungú tidár tlahhoó Aroni, asma kaahamuusér Mungú pa/aangw gwa sleeriiká ay xweera, as gadiyér ur ar ilahhooa da/a/aangw, nee di/tadá' ta da/aa/án.

2 QOM'I 35:15

Daauusér tlahhoó Asafu tina amoohhe'eesiyé' adoodá' aáng waawutmo Daudi ngira oó', nee Asafuwo, nee Hemani nee Yedutuni kuduú iigu'utusmoó waawutmo. Xuumuuse tidár afkú Doó Mungú dir'ín tidár xuumar'ín ngaa geexay'iiká, asma hhaeeín awa tlahhoó Laáwi i deeloodár Pasaákuú amoohhe'eemisiyá'.

2 QOM'I 5:12

Mukduú tlahhoó Laáwi kuduú daauuse a Asafu nee Hemani nee Yedutuni nee daaqay'ín nee hhaeeine, inooín tlabaá hhohho' awa kitaáni nga tsiitiyé'. Inooín in mitingiroó koná', nee mariímba nee gidaandori. Inooín tana sihhiít bihhaá da/aáw awa kitangwdá' ta ilahhooárí hanmamisi dinkwa nee kaahamuusér Mungú ar tsiiru nee mibeeri tsár kudá' i tarumbeétadaá ufahhaná'.

ESRA 2:41

Xwaylár Asafu kudaá daauusér doó Mungú dinkwaaro a tsiiruú wák mibeeri tsár nee dakaát.

ESRA 5:16

Naagáy Sheshbasadá' niri hardáh, iihhafiirír Doó Mungú kuduú baraá yaamaá Yerusalemu gari qaás. Iimír baldá' wa tleemu ay laarí do'odá' ku tlehhahhiit, aa hhooayká.

WARA'AMI 150:5

Xirfayeemisaak ar mitingiraay. Xirfayeemisaak ar mitingiroó ló'wa tsingilieeliím.

HAGAI 2:15

«Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

1 SAMUELI 22:18

Waawutmo Doegi heé Edomu guri báy, «Kaahamuuseesír Mungú harawarqaweek, tsu/eek.» Doegi heé Edomu, kaahamuuseedá' gana i warqáy tsu/taro. Baalaadae kaahamuuseedár naifeéra ngaa dahas ar taa tleéhh ar kitaáni a mibeeri dakaát nee kooán, sleémeero giri tsuú/.