ESRA 3:1 - Biblía Axweesantá Hhohho' ar Mungú 2004

¹ Tam qoomár slahhángw faanqw iwa xáy, nee múk Israeli ta baraá gixsaduuín, muu ina burumburiít baraá Yerusalemu adór heé wák.

ESRA 3:1 Iomraidhean Croise

NEHEMIA 7:72

Mukdá' aa meet gár taa haniís a kílo tsiiru nee mibeeri lahhoó' nee dakaát ar sahaábu, nee kílo tsiiru nee mibeeri tsiyáhh ar peésa, nee tlabaá mibeeri lahhoó' nee faanqw awa kaahamuusér Mungú.

NEHEMIA 7:73

Gawaá adoorihe, kaahamuusér Mungú nee múk tlahhoó Laáwi, nee xuumuusér Doó Munguhe, nee daauuseero nee muu bahh'alé, nee sagadiyuusér Doó Mungú nee múk Israeli sleémeero, tay hoót baraá gixsaduín wa ale. Tam qoomár slahhángw faanqw iwa xáy múk Israeli taqo baraá gixsaduuín i dirii'.

NEHEMIA 8:1

Aluuwo muu sleémeero baraá Yerusalemuro tana burumburiít adór heé wák baraá afeenír geeraá Afkuduú Ma'aay, Esra kuduú goousmo nguna ádbayé' kitaábuú dabér Mose nguwa huwi, tidá' AAKOÓ MUNGÚ aa dír múk Israelírí haniís.

NEHEMIA 8:14

Nee adór kara gooín baraá dabeero kari sláy, adoodá' AAKO aa oó' ar loohír Mose, as kahhó' múk Israeli iwa baraá isleerí wa hooti, deelór ur ar slahhángw faanqw.

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 23:24

«Múk Israeli ku beer, baalár hargeera ar slahhángw faanqw an boo/esá', tawa deelór hungu/uma, deelór inslaslaangw ar ta ilaharisa' ar afór tarumbeéta, nee dinku'uumár hhoohhoo' kari tlehhá'.

SEFANIA 3:9

«Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 4:32

Nee mukdá' aa haratlintii', muner'ín nee inslaway'ín tari wákleelí. Tam heé aa oo', «Gaarí a te'eé', ar aníng kilooeé',» i kaahh, asma muruuín sleémeero a alqaati.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.