ESRA 2:68 - Biblía Axweesantá Hhohho' ar Mungú 2004

⁶⁸ Nee bahh'alé múk urén oo tlahh'aá baabi'ii'ín, qoomár tawa hardáh Doó AAKOÓ MUNGÚ kuduú Yerusalemu, daqaari'iima kana hanmiís ar sla'aari as alee/isoó tlehhmuú Doó Mungú dirós tidá' aáng i dirii'i.

ESRA 2:68 Iomraidhean Croise

1 QOM'I 21:18

Malaykamoó AAKOÓ MUNGÚ, Gadi gway báy Daudi kubeeto, «Dír ilahhooár ilahhooár AAKOÓ MUNGÚ tleehheek dír afeenír balaangw muxta ar Ornani, heé Yebusi.»

1 QOM'I 22:1

Daudi iri oó', «Diirí an didá' Doó AAKOÓ MUNGÚ kway tleehhi. Kitaangwí an kitángw múk Israeli ilahhooár da/a kawa hanmiisi.»

2 QOM'I 3:1

Waawutmo Solomon Doó AAKOÓ MUNGÚ guri iimu/ún tlehhtuwo baraá Yerusalemu, gawaá tloomár Moria didá' AAKOÓ MUNGÚ tiwa dír Daudi geehhooeés. Diirí an afeenidár balaangw muxta ar Ornani heé Yebusi, tidá' Daudi aa tsawaár.

ESRA 2:67

angamiaduuín a tsiire tsiyáhh mibeeri tám nee kooán, nee daqwaayer'ín a kume lahhoó' tsiire faanqw nee mibeeri tsár.

ESRA 2:69

Ar adór aleesleemuín i dirii'i muruuín nguna hanisiyé', kuri qaás baraá tlakoó peésa kudá' tar gadiyuusi. Gár taa haniís dinkwaaro a kílo tsiire kooán ar sahaábu, nee kílo kume tsár tsiire tsiyáhh ar peésa, nee tlabaá tsiiruú wák awa kaahamuuse.

ESRA 3:3

Inooín kitangwduú ilahhooa kuna tleéhh dirós tidá' aáng i dirii'i, asma inooín múk yaamuudá' kuna da'ayuút, AAKOÓ MUNGÚ kuna ilahhooár dá/tí hanmiís matlaatle nee tsiindowo.

ESRA 9:9

Asma atén a lawaale, ala Munguúrén taa baraá lawaali'iimárí mayká, ala tina slaá' ar sla'aarír warqawaaká dír geeraá waawituú Persiaro, atén tiri pa/ángwií haniisiyé' tawa hootaan, nee Doó Munguúrén nguwa sihhitisaan nee didá' aa fee/it ngiwa /abeesaan, nee Yuda nee Yerusalemuro kiwa xuún.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

TI'INAANGW 25:2

«Múk Israeli ku beer, ‹Ohme oohare' as aníng.› Kuúng kitangw'eé' wa ooheek dír umuúqo heewo ar adoodá' baraá muunaáwose ngira slaá' haniisaro.

TI'INAANGW 35:21

Tindiri hardáh umuúqo heewo oo muunaáwós i tliwii/in, nee umuúqo heewo oo qeeruuwós taa sla'atís, inooín ohme kingiri huúw amór AAKOÓ MUNGÚ as gadiyér heémadár Mungú nee as sagadiyuusi'iimarós, nee as tlabaadá' hhohho'.

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

TI'INAANGW 36:3

Inooín ohmeedá' sleémeero ngiri ilaoohiyé' dír Mose wa alé, ohmeerí an tidá' tinda duúx nee múk Israeli ar sla'aari as gadiyér didá' hhoohhoo'. Aluudae muu ina kumiít ohme huwahubuwo, umuúqo looár tlawa adoorí ngina tleehhiyé' ar muunuú sla'aari.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

2 korinto 8:3

Adoodá' inooín ohmeedá' kara hanmiís a lamabu'uúm, asma kaa hanmiisiiká ar adoodá' aleesleemuuínií dirii'i, ala kana ló'wa hanmiís ar adoodá' aleesleemuuín ba/a. Slám kana hanmiís ar muunuú /awaák.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.