ESRA 10:8 - Biblía Axweesantá Hhohho' ar Mungú 2004

⁸ Nee barnaxes hee naa daqayká baraá deeloorí tame, ar adoodá' hara'aya geeraharuuse nee bariise ngira oi, daqaari'iimarós sleémeero kan hayoh, inós kilós kuri baynitis dír dinkwár mukdá' naa baraá looháy wa watli.

ESRA 10:8 Iomraidhean Croise

ESRA 10:7

Afo kari ilahariís baraá Yuda sleémeero nee Yerusalemuro, amór mukdá' sleémeero naa baraá looháy wa waatl tawa burumburiiti baraá yaamaá Yerusalemu.

ESRA 10:9

Aluuwo hhawaate sleémeero awa Yuda nee awa Benyamini tari burumburiít har afiqoomár deelo tame, bál slahhángw gwaleél tawa mibeeri tsár. Muu sleémeero iri iwiít dír afeenír doó Mungú, ta daraax as kaangwí nee as tluwoó ur oo tluúw.

ESRA 7:26

Ala umuúqo heewo oo dabér Munguúwók ga iialoeemisaaká nee ar waawutmoowo, ku sakwasleemuuti ar gaanslaay, laqaá ar kuwa gaasi, laqaá kuwa lohaatisi, laqaá daqaari'iimarós kawa hayoohi, laqaá kuwa tseegi.»

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

NEHEMIA 13:3

Qoomár múk Israeli dabeerí ngiwa axaás múk xoordá' hatlá' ngway paraatliyé' dir'ine.

TLAHHOÓ LAÁWI 27:28

«Ala umuúqo gár taa paraátl as AAKOÓ MUNGÚ bar an hee, laqaá slee, laqaá yaamuuwós awa aali, muruuwí ku weerisiiká, laqaá ku tu/iiká. Umuúqo gár taa paraátl as AAKOÓ MUNGÚ ka hhoohhoo' kángw kilá' wa aleeró.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

YOSHUA 6:19

Ala peésa sleémeero nee sahaábuwo nee xooslaá taa tleéhh ar muqslár da/aten nee awa muqslaro a xooslaá taa paraátl as Aakoó Mungú, adoorihe kin qaas baraá qaasír AAKOÓ MUNGÚ.

HAR'OHUUSE 21:5

Naagáy tiri kilooín yaahamisiyé' tawa kaahi, «Xáy, baraá tlahh'aá Israeliwo tlahhoó aa daqayká dír geeraá AAKOÓ MUNGÚ i deéro?» Asma lo'o ngina /ayiyé' tawa kaahi, bar hee naa daqayká dír geeraá AAKOÓ MUNGÚ baraá Mispa gaasaro i harín.

1 SAMUELI 11:7

Inós awér tsár gana óh, gari tlaáq baraá kaeemo, kaeemoodá' giri huúw baraá yaamaá Israeli sleémeero, ar dabaá mukduú ya/abuuse, tari oó', «Umuúqo heewo oo Saulo nee Samueli gaa eehariiká baraá slaqwaraaro aweerós adór ka laqi a tír kilá'.» Naagáy AAKOÓ MUNGÚ mukdá' guri dae tsaát tindiri ti'iít adór heé wákár ale.