ESRA 10:3 - Biblía Axweesantá Hhohho' ar Mungú 2004

³ Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

ESRA 10:3 Iomraidhean Croise

2 WAAWITÁ 11:17

Naagáy kaahamusmo Yehoyada alqado gari tleéhh tla/ángw AAKOÓ MUNGÚ nee waawutmo nee mukós, as tawa múk AAKOÓ MUNGÚ, slám alqadu gina tleéhh tla/ángw muu nee waawutmo.

2 QOM'I 29:10

«Hamí daxta, aníng aga tsabiím baraaeene alqado kawa ooaan dír AAKOÓ MUNGÚ, Munguú múk Israeli, as buhhtaawós mindiwa ki/iyé' daanduurene.

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

ESRA 10:11

Hám daxta, tlakweemaahúng hhu'uu'umaak dír AAKOÓ MUNGÚ, Munguú baabi'iihúng, nee sla'aarirós na tleehhaak, ti partle' dír múk yaamuukae, slám /ameenaadár xoordaá hatlá' guusaak.»

ESRA 10:44

Hhawaateeká' sleémeero /ameenár xoordaá hatlá' ngina duxuutiyé'. Inooín /ameenadá' kari guús nee na/ii'ín kudá' na laqwaalii'i.

ESRA 10:9

Aluuwo hhawaate sleémeero awa Yuda nee awa Benyamini tari burumburiít har afiqoomár deelo tame, bál slahhángw gwaleél tawa mibeeri tsár. Muu sleémeero iri iwiít dír afeenír doó Mungú, ta daraax as kaangwí nee as tluwoó ur oo tluúw.

ESRA 9:4

Aluuwo mukdá' axweesantá Munguú Israeli ngi da'ayumiitá' iri i burumburitiyé' as inkihhimu waslér mukdá' naa baraá looháy wa waatl, aníng niri iwiít ar dae ay qoomár ilahhooár muruú ta tsu/i ar tsiindo kawa hanmiisi.

NEHEMIA 10:1

Kudá' dugeeni nga qaasiye' an kuká': Heé geera an ga/aawusmo Nehemia garmoó Hakalia, nee Sedekia.

NEHEMIA 8:14

Nee adór kara gooín baraá dabeero kari sláy, adoodá' AAKO aa oó' ar loohír Mose, as kahhó' múk Israeli iwa baraá isleerí wa hooti, deelór ur ar slahhángw faanqw.

NEHEMIA 9:38

As tí aa tleehharuuti atén alqadór gawit an qaasaán ar gooi, nee mukrén oo urén, nee múk tlahhoó Laáwiwo, nee kaahamuuseero. Inooín dugeeni'ín ngi qaasiyá'.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 119:59

Slafingw'eé' ugwa aldaákw, ni warqáw as axweesantók ngiwa eehar.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

DABE 29:12

Kuungá' a diirí as lo'o kawa /aga' ar tawa data' baraá alqadór AAKOÓ MUNGÚ, Munguúhúng laarí.

YOSHUA 9:6

Inooín nay tlayé' ay dír xafoó múk Israeli kuduú Gilgali. Inooín Yoshua nee múk Israeliwo ngiri bayé', «Atén amór ta dahhaan a amór hhapaá sawen, atén gár ni sla'aan a masók al'axweesani an tleehhaán dinkwa nee kuungá'.»