ESRA 10:19 - Biblía Axweesantá Hhohho' ar Mungú 2004

¹⁹ Inooín nina ya/ané' /ameenadá' kawa guusi nee as adoodá' tawa dakuús, gwaanda nguri duuxiyé' as dakuúsar'ín.

ESRA 10:19 Iomraidhean Croise

2 WAAWITÁ 10:15

Yehu iwa didá' wa tláy tina doogiyé' nee Yehonadabu garmoó Rekabu baraá loohi, Yehu guri taaqweés, guri báy, «Xáy kuúng inslawaywók nee kwe'eé' ti alkón'a? Aníng kuúng i dawa óta?» Yehonadabu guri mu/aywaáts, «Eeít, aníng kuúng un dawa óh.» Yehu iri oó', «Gimáy dawa leehháng.» Tiri /iye leehhiyé', guri tsa/aás gawaá gaárirós.

1 QOM'I 29:24

Geeraharuuse sleémeero nee miguuseero nee daaqoó Daudi sleémeero al'axweesani ngiri ooiyé' dír waawutmo Solomon ar nguwa ilaiwawa/iya'.

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

ESRA 10:20

Hhay Imeri a tí: Hanani, nee Sebadia.

WA/AA/I 5:6

Múk Misri nee oo Ashuru una dabaá i hanisaán as muruú /aymár bu'uút kuwa slawaan.

TLAHHOÓ LAÁWI 6:4

heesíng tlakweema gaa tleéhh nee aa dakuús. Gadaádá' aa fiís ngi ki/isi, laqaá tidá' nguwa /aytín, laqaá peésaadá' kway haniís, laqaá gadaádár inslaawmoowós aa sláy,

TLAHHOÓ LAÁWI 6:6

Gwaanduú xaslxaansli wásl gun huuw dír kaahamusmoó Mungú as tawa ilahhooár dakuús hingeesa dír AAKOÓ MUNGUHE, laqaá gár alqoomá' nee tidár tlakweema hingeesa.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.