ESRA 10:18 - Biblía Axweesantá Hhohho' ar Mungú 2004

¹⁸ Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

ESRA 10:18 Iomraidhean Croise

ESRA 10:17

Kángw hhawaate sleémeero kudá' /ameenár xoordaá hatlá' ngaa duxuutiye' kuri tsaát bál slahhángw geera tawa wak.

ESRA 2:2

Inooín tina alkoné' nee Serubabeli nee Yeshua, nee Nehemia, nee Seraya, nee Re'elaya, nee Mordekai, nee Bilshani, nee Mispari, nee Bigwai, nee Rehumu nee Ba'ana. Faarór hhawaataá tlahh'aá Israeli a tí:

ESRA 2:36

Kaahamuusér naa baraá looháy wa ki/ a tí: Hhay Yedaya, kudaá xwaylár Yeshua a tsiire gwaleél mibeeri faanqw nee tám.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ESRA 5:2

Aluuwo Serubabeli garmoó Shealtieli nee Yeshua garmoó Yosadaki tari tláy, doó Mungú kuduú Yerusalemu kuri iimuu/ún tlehhtuuwo, inooín tina ale/iimiisiyé' nee aaruusér Mungú.

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

NEHEMIA 12:10

Yeshua Yoyakimu guna laqwaál, Yoyakimu Eliashibu guna laqwaál, Eliashibu Yoyada guna laqwaál.

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

NEHEMIA 8:4

Esra kuduú goousmo iri sihhiít dirka taa tleéhh ar peehháy as sihhtano, muko iri bihhiiwós awa doó /iyáy i sihhiít. Mukwí an ín Matitia, nee Shema, nee Anaya, nee Uria, nee Hilkia, nee Ma'aseya. Bihhaá dakós oo doó basayhe a ín, Pedaya, nee Mishaeli, nee Malkiya nee Hashumu, nee Hashbadana, nee Sekaria nee Meshulamu.

NEHEMIA 8:7

Yeshua nee Bani, nee Sherebia, nee Yamini, nee Akubu, nee Shabetai, nee Hodia, nee Ma'aseya, nee Kelita, nee Asariya, nee Yosabadi, nee Hanani, nee Pelaya, inooín a múk Laáwi, dabeedá' taa soomuús kari múkwí waagwediít, qoomaarihe umuú heewo aa dirós i sihhiít.

YEREMIA 23:10

Asma yaamu naa hatsiyé' fuquseero, yaamu i tsuunqumiisiyá' asma lo'o, qawtantaín ar baraá darma aa kát. Tlehhma'aá muu ki ló'wa tlakw, /uuruuín kun ar gadiyuus ar adór qoomaaká.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

ESEKIELI 44:22

Kaahamusmoó Mungú /ameenír kwaalo'o mingiwa duúx, laqaá tam /ameenír taa talaákaárí haniís, ala inós masók aqo dasír nee hhawaata naa baloó alqati'iiká ar múk Israeli, laqaá /ameenír hhawaatuuwós kaahamusmoó Mungú, hhawaatuuwós kuú kaahamusmo bira gwaá' ngi duuxi.

TLAHHOÓ LAÁWI 21:7

Kaahamusmoó Mungú kwaa paraátl as Munguúwós, /ameenír tsaatuso'o ló' mingiwa duúx, laqaá dasír nee hhawaata taa alqaat, laqaá ar hhawaatuuwós naa talaákár i haniís.

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

HAGAI 2:4

Anuú AAKOÓ MUNGÚ a kah, ‹Tam adoorihe kuúng Serubabeli muuna hhe'eés, nee kuúng Yoshua, garmoó Yehosadaki, kaahamusmoó úr oo Mungú, muuna hhe'eés sleeme. Tam múk yaamuuká' sleémeero, anuú AAKOÓ MUNGÚ a kah, kuungá' sleeme muuna hhe'eesé', gadiyeé tleehhaak, asma aníng nee kuungá' a dinkwa. Anuú AAKOÓ MUNGÚ Aleesleemusmo tí ngina oó'.

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

SEKARIA 6:11

Peésaasíng nee sahaábu ilaooheek, ki slamángw ar tléhh, ku dahás gawaá ságw kaahamusmoó úr oo Mungú oo ta bay Yoshua, garmoó Yehosadaki.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.