ESRA 10:14 - Biblía Axweesantá Hhohho' ar Mungú 2004

¹⁴ Ala geeraharuuseerén i met baraakaá Yerusalemu as daanduú muu sleémeero as kaangwí kuwa axweesi daqaní muu sleémeero baraá gixsaduurene, kudá' /ameenár xoordaá hatlá' gaa duxuut, ni hardihiye' afi qoomaadá' taa qaasi, slamí dinkwa nee bariisér umuúqo gixsa nee har'ohuuseero, ay dír buhhtaá xaraaslá' awa Munguúrén ni tsauya', kaangwí i faaki.»

ESRA 10:14 Iomraidhean Croise

2 WAAWITÁ 23:26

Tam adoorihe AAKOÓ MUNGÚ xarasleemaawós kudá' yaariir gaa mayká, kudá' múk Yuda nguwa i daa/atúy, asma tlehhmi'iidá' Manase aa tleéhh inós nguna buhhtisiyé'.

2 QOM'I 28:11

Hám daxta aníng iiárií qaasaré', hhaeehúng kudá' naa hubé' watlisaak, asma AAKOÓ MUNGÚ kuungá' naa i buúhh.»

2 QOM'I 29:10

«Hamí daxta, aníng aga tsabiím baraaeene alqado kawa ooaan dír AAKOÓ MUNGÚ, Munguú múk Israeli, as buhhtaawós mindiwa ki/iyé' daanduurene.

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

ESRA 10:13

Ala mukwí ku yaariír, slám a qoomár tluwoó yaariír, atén sihhtanór tsee/a a aleeslawaanaaká, slamí gadiyeérí ar looár wakeeká, laqaá ar deelo tsareeká, asma aga ló'wa dakuusaán baraá kangwsinge.

ESRA 10:15

Heé axweesantí gaa sii' i kaahh ala aqo har Yonatan garmoó Asaheli, nee Yaseya, garmoó Tikwa kilooín nina sihhiitiyé' /aymuuwí ngway si'iyé', Meshulamu nee Shabetai heé Laáwi tari bartá mukwí áy.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

DABE 13:17

Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 17:9

Daqaní ta hardatá' dír kaahamuusér Mungú ar tlahhoó Laáwi, nee dír har'ohusmoó qoomaasinge baraá gadiyeédí dirií', kuungá' kaangw ku dir'íní oá'. Inooín kwasleemaadá' ngi tsatiyá'.

YOSHUA 7:26

Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.