ESRA 10:11 - Biblía Axweesantá Hhohho' ar Mungú 2004

¹¹ Hám daxta, tlakweemaahúng hhu'uu'umaak dír AAKOÓ MUNGÚ, Munguú baabi'iihúng, nee sla'aarirós na tleehhaak, ti partle' dír múk yaamuukae, slám /ameenaadár xoordaá hatlá' guusaak.»

ESRA 10:11 Iomraidhean Croise

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

ESRA 10:10

Naagáy, kaahamusmo Esra iri sihhiít, giri báy, «Aga dakusé', /ameenár xoordaá hatlá' kawa duxuté', gawaá adoorihe dakuúsár Israeli aga dogé'.

ESRA 10:12

Dinku'uumadá' iri ilaawáts, tari oó' ar afór ur, «I qoón! Adór kangwrén kura ó' an adór atén wa hariim tlehhmuuwo.

ESRA 10:3

Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

NEHEMIA 13:3

Qoomár múk Israeli dabeerí ngiwa axaás múk xoordá' hatlá' ngway paraatliyé' dir'ine.

NEHEMIA 9:2

Kudaá xwaylár Israeli tiri paraatliyé' dír xoordaá hatlae, nina sihhiitiyé' tlakweemaaín ngiwa hhu'uu'una' nee dakumisuú baabi'ii'ine.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

ISAYA 56:4

Asma AAKOÓ MUNGÚ i kaahi, «Mukdá' taa karmuumúy kudá' deelór Sabaáto ngi boo/eemisá', kudá' adoodá' aníng ni slaa' ngi tlehhiitá', kudá' alqador'eé' ngaa oohiye'.

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»