ESRA 10:1 - Biblía Axweesantá Hhohho' ar Mungú 2004

¹ Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

ESRA 10:1 Iomraidhean Croise

1 WAAWITÁ 8:30

Firór sagadiyusmoowók axaaseek, nee ar mukók oo Israeli uwa firiirin. Firoorí kuúng na axaaseek gawaá doorí wa alé, nee bar aga axás, atén ti gurtleer.

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 20:9

barnaxes amotlakwe taa sleér laqaá slaqwara, laqaá sakwasleema, laqaá tiqtír pu/i, laqaá giyeé, atén an dír geeraá do'owí sihhitaán nee dír geeraawók, asma umuuwók i baraá do'owí, nee qoomár slahh'amuurene nin amoorók i /aa/aán, kuúng atén ti iiárií qas nee ti ba/amis.

ESRA 10:6

Aluuwo Esra iri tláy dír geeraá Doó Mungú wa alé, iri dáh baraá kutuwír doó Yehohanani garmoó Eliashibu, iri amoodí qaát mikaáte gaa /ayiiká tam ma'aay gaa wahiiká as gurhaami, asma ina /aa/amín as dakuúsár mukdá' naa baraá looháy wa waatl.

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 1:6

Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

NEHEMIA 10:28

Mukdá' sleémeero aa meet, nee kaahamuuseero nee múk tlahhoó Laáwiwo, nee xuumuusér Doó Munguhe nee daauusero, nee sagadiyuusér Doó Munguhe, nee muu sleémeero oo taa paraatl dír múk yaamuudae, as dabér Mungú kawa eehari dinkwa nee tlaaway'ine, nee daaqay'ine nee dasuuine, nee múk xu'utír kooma, nee awa sage fooxá',

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 3:6

Tlakweemaaín kiwa hhu'uu'ún, giri baatimiís baraá yaaér Yordanír wa ale.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Rumi 9:2

aníng gurhaamír yaariir a koóm ar ló'wa slahh'eemiis baraá muunaáeene umuúqo daqto.

DABE 31:12

Muu sleémeero dinkwárí burumbureek, hhawaate nee /ameenaaro nee na/iiwo, dinkwa nee hoomár baraá gixsaduuhúng wa hoota, as kahhó' ngiwa axaasiya' nee ngiwa intsaatsahhiya' nee AAKOÓ MUNGÚ, Munguúhúng nguwa ilaiwawa/iya', nee axweesanoó dabeerí nguwa harmagaahhiya' ooharo.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.