ESRA 1:6 - Biblía Axweesantá Hhohho' ar Mungú 2004

⁶ Inslaawaay sleémeero mukdá' guna alee/iís ar xooslaá peésa nee sahaábu, ar daqaari'iima nee ar makaay, nee ar muruudá' ak hhó', dinkwa nee muruudá' sleémeero taa sla'aarír ar hanmiís.

ESRA 1:6 Iomraidhean Croise

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

ESRA 1:4

Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

ESRA 8:33

Bál tsiyahhe peésaadá' nee sahaábuwo nee xosluudae kari qoomeés gawaá dabaá kaahamusmo Meremoti garmoó Uria dinkwa nee Eleasari garmoó Finehasi, dinkwa nee múk tlahhoó Laáwi oo ta bay, Yosabadi garmoó Yeshua nee Noadia garmoó Binui.

NEHEMIA 6:9

Asma inooín adoorí kana tleéhh as tiwa dae tsatiya' tawa kaahi, «Inooín i daba' tsatiitiyá', nee gadiyeé ngiri harslaaqatiyá'.» Ala aníng Munguúeé' nguri firiím niwa kah, «Aá Mungú, kuúng dabaaeé' /uurií qaaseek.»

WARA'AMI 106:46

Kudá' sleémeero inooín ngaa oohine' haasaáng wa ale, ngiri gurtlayé'.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

TI'INAANGW 12:35

Adoodá' Mose nga báy ngiri tleehhiyé', múk Misri nguri firiné' xooslaá muqslír peésaaro nee ar sahaábuwo nee tlabaawo.

TI'INAANGW 12:36

AAKOÓ MUNGÚ múk Misri guri gur'e wananaeés as kahhó' múk Israeli kuwa gurií ba/i, nee umuúqo gár múk Israeli aa firini kari haniís, xooslaá yaariir awa múk Misri kiri ar tláy.

ISAYA 35:3

Mukdá' aa daba' tsatiit /uurií qaasaak, mukdá' aa diqiyaá ya'a' tsatiit, diqiya' kwa/asak.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.