ESRA 1:5 - Biblía Axweesantá Hhohho' ar Mungú 2004

⁵ Aluuwo mukdá' urén oo tlahh'aá taati'i, oo Yuda, nee Benyamini, nee kaahamuuseero nee múk tlahhoó Laáwi, umuúqo heewo kudá' muunaáwós Mungú aa gwarangwaár tari tláy, as Doó AAKOÓ MUNGÚ kuwa tleehhi, kuduú baraá gixsár Yerusalemu.

ESRA 1:5 Iomraidhean Croise

2 QOM'I 36:22

Kurkú geera oo waawuti'iimár Koreshiwo waawutmoó yaamaá Persia as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, barwiito'o gari gooín sleeme, iwa kaahi,

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 1:4

Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

NEHEMIA 2:12

Aluuwo nay xweeraá tláw aníng nee múk niiná, tam heé naa /aymuuwí báw i kaahh, kwí Mungú naa qaás baraá muunaáeé' alé, as Yerusalemu. Nee makiito'ór hatlá' ar na huúw i káhh aqo har daqwaydá' án naa daanda i tsa/ám kilós.

AXWEESANOÓ SAGALOOA 16:1

Alhotaariro hee gár i ooi gan ala baraá guruuwós i qoomees, Ala /aymuú qoóm a amór AAKOÓ MUNGÚ gan daahh.

HAGAI 1:14

AAKOÓ MUNGÚ muunuú Serubabeli garmoó Shealtieli ga/aawusmoó Yuda guri dúk, nee muunuú Yoshua garmoó Yehosadaki, kaahamusmoó úr oo Mungú, nee munér mukdá' naa waatl baraá looháy wa ale. Tari tláy gadiyeé kawa tleehhamór ay baraá doó AAKOÓ MUNGÚ Munguúín oo Aleesleemusmo.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.