ESRA 1:4 - Biblía Axweesantá Hhohho' ar Mungú 2004

⁴ Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

ESRA 1:4 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

1 QOM'I 29:3

Dinkwa nee tí sleémeero naa haniisi as do'owí hhoohhoó', aníng sahaábu u koóm nee muqslár peesaaro. As doó Munguúeé' nguwa slaa', muruuwí an kwe'eé' nu kilá', aníng un haniisi as doó Munguúeé'.

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

2 QOM'I 31:14

Kore garmoó Imna heé tlahhoó Laáwi, kuduú xuumusmoó afkú do' oo da/aáw oo Doó Mungú. Inós a sagesihhitusmoó muruudá' muu na huwahuúw ar sla'aarir'ín dír AAKOÓ MUNGÚ, nee qasmisuú muruudá' taa hanmiisi dír AAKOÓ MUNGÚ, nee ilahhooadá' ló'wa hhohho'.

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

ESRA 1:5

Aluuwo mukdá' urén oo tlahh'aá taati'i, oo Yuda, nee Benyamini, nee kaahamuuseero nee múk tlahhoó Laáwi, umuúqo heewo kudá' muunaáwós Mungú aa gwarangwaár tari tláy, as Doó AAKOÓ MUNGÚ kuwa tleehhi, kuduú baraá gixsár Yerusalemu.

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

ISAYA 10:21

Panoó Yakobo kudá' aa meet i kii/ amór Munguú /uuruú koóm.

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

Galatia 6:2

Ti alee/iimise' umuúqo heewo huwár heewós ngi gagaari. Ala adoorí bara tlehhé', daqaní hara'ayár Kristo aga boo/esé'.