ESRA 1:2 - Biblía Axweesantá Hhohho' ar Mungú 2004

² «Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 1:2 Iomraidhean Croise

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

2 QOM'I 2:12

Hiramu iri malé oó', «AAKOÓ MUNGÚ i xirfuuti, Munguú múk Israeli, kudá' doori nee yaamu gaa tleehh. Inós waawutmo Daudi gwaa garmoó sagalooár koóm haniís, nee dahar, nee tsaahharo, as AAKOÓ MUNGÚ nguwa dó' i tleehhi nee do'ós oo waawuti'iima nguwa tleehhi sleeme.

ESRA 1:5

Aluuwo mukdá' urén oo tlahh'aá taati'i, oo Yuda, nee Benyamini, nee kaahamuuseero nee múk tlahhoó Laáwi, umuúqo heewo kudá' muunaáwós Mungú aa gwarangwaár tari tláy, as Doó AAKOÓ MUNGÚ kuwa tleehhi, kuduú baraá gixsár Yerusalemu.

ESRA 3:7

Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

ESRA 4:3

Ala Serubabeli nee Yeshua nee kudaá hatlá' uren awa tlahh'aá Israeli ngiri bayé', «Kuungá' gár nu huuw i káhh baraá tlehhmuú doó Munguúrene, ala atén kiloorén AAKOÓ MUNGÚ, Munguú Israeli, un dó' i tleehhaán adoodá' waawutmo Koreshi oo Persia tira ádbáy.»

ESRA 5:15

Inós guri báy, ‹Xosluuká' ooheek, qaasár aweek baraá do'oduú yaamaá Yerusalemu, nee doó Mungú ku /abeesi tleehhamooro dír kitaangós kuduú kilá'.›

ESRA 6:10

As inooín Munguú gawaá doori nguwa ilahhooár muruú ta tsu/i ar sla'atamis i hanmisiya', nee slafíngw waawutmo nee na/iiwós nguwa aleefirina'.

ESRA 6:3

«Kurkú geera oo waawuti'iimár waawutmo Koreshi, waawutmo Koreshi hara'aya gana oó' ar doó Mungú kuduú baraá yaamaá Yerusalemu kuwa /abeesi tlehhmuuwo dír ilahhooár muruú ta tsu/i kawa hanmiisi nee ilahhooa da/a/aangw kawa hanmiisi. Tlenaango a miíta mibeeri tsár nee faanqw, nee uroó bihheero a miíta mibeeri tsár nee faanqw sleeme.

ESRA 7:12

«Anuú Artashasta waawutmoó waawitá, amór kunguú Esra oo kaahamusmo nee goousmoó dabér AAKOÓ MUNGUÚ doori, laawaaywók.

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

WARA'AMI 136:26

Munguú doori sluufmisaak, Asma sla'aarirós i warqeeraaká ay alhhe'eesay wasle!

WARA'AMI 85:2

Tlakweemaá mukók iga gurtleér, tlakweemaaín sleémeero iga hingés.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

DANIELI 1:21

Aluudae Danieli ina hoót ay kurkú geera oo waawutmo Koreshi.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

DANIELI 6:25

Aluuwo waawutmo Dario barwiito'o gari gooín amór tlahh'aá muu sleémeero nee xoordu nee tsifri sleémeero, «Aníng kuungá' nu wayduú úr i slaá'.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»