ESEKIELI 9:8 - Biblía Axweesantá Hhohho' ar Mungú 2004

⁸ Qoomár tawa múk tsu/i, aníng tina kilooeé' geexáy, niri gurúr qaát yaamu, niri /aá/, niri oó' «Aá Aakoó MUNGÚ! Múk Israeli sleémeero kudaá meet u hhaamísa, as xaraasleemawók daanduú Yerusalemuro kiwa boo/es?»

ESEKIELI 9:8 Iomraidhean Croise

IIMU/UUNGW 18:23

Abrahamu iri amoorós i tseewúy, iri oó', «Xáy, heé hota ganaá' nee heé tlakusmo in al qwaarésa?

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

YEREMIA 14:13

Naagáy, aníng niri oó', «Aá Aakoó MUNGÚ, ga/aaweek, aaruuse i múk babeer, kuungá' slaqwara nu sleeraaká, laqaá qwari, asma kuúng al'axweesani aga ó' tawa kat, ‹Wayda i kumamiit baraá yaamuukae.› »

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 4:10

Naagáy aníng niri oó', «Aá Aakoó MUNGÚ, ar ló' kuúng muu ugwa al/ák nee gixsár Yerusalemu. Ina beér, Kuungá' a hotá' ar amohhooa, laatí hamí slafiingw in baraá tsaxwa.»

ESEKIELI 11:13

Qoomár niwa aaririim, Pelatia garmoó Benaya iri kahhuút. Aníng niri yaamií huú', niri gurúr qaát, niri /aá/ ar afór ur niwa kah, «Aá Aakoó MUNGÚ, xáy, paanaywí oo múk Israeli aa meet aqo un tsuwa fáka?»

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

ESEKIELI 7:8

«Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

FAARO 14:5

Naagáy Mose nee Aroni tari gur'eér qaát dír geeraá dinku'uuma sleémeero ar múk Israeli.

FAARO 16:4

Mose kaangwí nguwa axaás, iri gurúr qaát.

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.