ESEKIELI 9:2 - Biblía Axweesantá Hhohho' ar Mungú 2004

² Múk lahhoó' nina amór afkú gáwtá daáhh, kuduú bihhaá /iikuú ga/áw, umuú heewo i xooslár slaqwarár kón, tidár gixsa hhaamisa. Inooín nee heé wák oo tlabaá taa tleéhh ar kitaáni ti alkoná', nee inós chupiito'ór wiínoó koom ga kón. Tari sihhiít dír bihhaá kitángw muqslír sirdaa/aat oo ilahhooa hanmis.

ESEKIELI 9:2 Iomraidhean Croise

2 WAAWITÁ 15:35

Tam adoorihe wa/aameedár kiteeridá' munguaá hatlá' kiwa ilahhooárií hanmamisi ar gawaá gongoama' ka hingeesiiká, muu ina kumiít ilahhooár muruú ta tsu/i hanmisuwo, nee mooyángw tsuú' da/a/aango gawaá kiteeridá gawaá gongoama'. Yotam Afkuduú Bihhaá /iya oo Doó AAKOÓ MUNGÚ guna tleéhh.

2 QOM'I 27:3

Yotam afkuduú Gawa oo doó Mungú guna tleéhh, nee koo/idár Ofeli gari tleéhh sleeme.

2 QOM'I 4:1

Waawutmo Solomon kitángw ilahhooa guna tleéhh ar muqslír sirdaa/aat, tlenaangw a miíta gwaleél, bihheero a miíta gwaleél, nee tlenángw gawa a miíta tsiyáhh nee tlaqi.

TI'INAANGW 40:29

Kitángw ilahhooár da/a/aangw gari qaás dír afkú heémadár Mungú, ilahhooár da/a gari gawaadá' wa haniís nee ilahhooár balaango, ar adoodá' AAKOÓ MUNGÚ Mose ngura ádbáy.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:10

Qoomár geeraharuusér Yuda kaangwí nguwa axás, niri amór doó waawutmoó wa tsa/ané', nay hardihiyé' ay dír Doó AAKOÓ MUNGÚ, tari iwiít dír Afkudá' /Abén oo dahmaá Doó AAKOÓ MUNGÚ.

YEREMIA 4:6

Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

ESEKIELI 10:2

Mungú heedaáduú tlabaá neewór kitaáni guri báy, «Tláw baraá tla/ángw /angeegéuuduú bihhaá baraay awa keruúbi, tsa/aá dabaawók dalaa/eek gil'ór asltadá' baraá tla/ángw'íní diriia, daqaní ka tsaafís baraá gixsa.» Aníng nguri ár iwa tláy.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

ESEKIELI 9:11

Naagáy hheedaádá' tlabaá neewór kataánír hhohho' nee chupiito'ór wiíno nina kií/, iri oó', «Aga tleéhh adoodá' iga beér.»

ESEKIELI 9:3

Aluuwo xirfuú Munguú múk Israeli iri quútl dír slaqsayduú keruúbiro, nee iri tsa/án ay gawaá maandár Doó Mungú. AAKOÓ MUNGÚ heedaádá' chupiito'ór wiíno koón nee tlabaá aa dahaás awa neewór kitaáni, guri ateét,

DANIELI 10:5

Niwa qaytsiít, naxés heé tlabaá neewór kitaáni ngaa tsiit una ár, nee afeetloowose himuú sahaábuú Ufasír daáhh nguna tseek.

DANIELI 12:6

Heedaádá' aa bihhaá gáwtí sihhiit awa yaae, kudá' tlabaá neewór kitaánidá' hhohho' ngaa tsiit, nguri yaahaás nguri báw, ‹Muruuwí i kumamiti ay xaylá iwa faakiiká?›

TLAHHOÓ LAÁWI 16:4

«Iri hamtlín ar ma'aay, tlabaá hhohho' giri tsiit. Iri dah didá' hhoohhoo' naa qaroó tsiitín tlabaawós kudá' hhohhoe: Hiyoó hhoohhoó' oo taa tleéhh ar kitaáni ngun dahaas daanduú suruwánidár kitaánír wa ale, nee hiyaydá' tleér oo kitaáni ngwa qaroó dahaás, nee tla/aangose himuú kitaáni ngwaa tseék.

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

Geehhoeemaá 15:6

Malaykeedá' faanqw, tidá' muxtaadá' faánqw koom, niri ti'ít baraá Doó Mungú wa ale. Inooín kaa tsiitimiís ar inqwaruú /awák oo taa tleéhh ar kitaánír hhohho'. Nee slám him'ér sahaábu ngaa da/eewer'ínií tsegiitiyé'.