ESEKIELI 9:10 - Biblía Axweesantá Hhohho' ar Mungú 2004

¹⁰ Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

ESEKIELI 9:10 Iomraidhean Croise

1 WAAWITÁ 8:32

na'ás, kuúng iiárií qaaseek gawaá doorí wa alé, kuúng qaa/oó mukók tsateek. Heé dakuúsár koóm sakwasleemuteek ar harqoomoó dakuúsarós i diri', nee heé dakuúsár koomaaká maweek, ku gurtleér adoodár iialooeesarós i diri'.

2 QOM'I 6:23

AAKOÓ MUNGÚ, na'amaamís, iia qaaseek gawaá doorí wa ale, nee sagadiyuseerók sakwasleemuteek. Kudá' tlakweema gaa tleehh muxeek, nee kudá' ganaá' gan'amuú i harafaareek.

ISAYA 13:18

Masoombár daaqaay kan tsuu/ ar ga/alduín, inooín i baloó gurtleemuú kon'aaká daanduú xwaylár heewo, tam na/aá ninakw ngi baloó gurtlatlay'aaká.

ISAYA 65:6

Ga/aawaak, tí kaa gooín dír geeraaeene, aníng a baloó xaslitaaká, ala tí aqo an buú' dir'ín.»

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 17:19

«Gawaá adoorihe, anuú Aakoó MUNGÚ a kah, adór nirqo dawa, asma lo'ór aa /aáy ar umuueé' gana waaqaá', nee al'axweesante'eé' gana sií', ar ló' sakwasleemár hhamhhám ga sláy.

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

ESEKIELI 23:49

Nee inooín kin sakwasleemuut as tsaatu'uumar'ín nee tlakweemaaín kudaá munguaá hatlá' kiwa sluufmiís. Inooín kari tsaahh adór aníng tar Aakoó MUNGÚ.»

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 7:3

Hám daxta alhhe'eesay naa hardáh. Buhhtaeé' awa xaraaslá' daanduhunge i axasá', nun sakwasleemuút ar har qoomoó tlehhmi'iihúng, nun sakwasleemuút as muruudá' sleémeero aníng i buhhtamís taa tlehhé'.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 9:11

Naagáy hheedaádá' tlabaá neewór kataánír hhohho' nee chupiito'ór wiíno nina kií/, iri oó', «Aga tleéhh adoodá' iga beér.»

ESEKIELI 9:5

Qoomár iwa mukdá' kangwdá' babay aníng a axamiís, iwa kaahi, «Waarahhé' ar baraá gixsa aluuwose wa ale, muu tsu/aak, tamu wák mu geexawaar, mi baloó gurtlawaara'.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

SEKARIA 11:6

Aníng yaamuloouusér yaamuuká' a baloó gurtlawaaká, umuú heewo un máw baraá dabaá heewós nee baraá dabaá de'eemusmoowós, nee baraá dabaá waawutmoowós, inooín yaamu ngiri qwaareesiyá' slám aníng heé ni tuu/ i kaahh baraá dabaaine. Anuú AAKOÓ MUNGÚ tí ngina oó'.»

DABE 32:41

Barnaxes paángar'eé' ar qwiirii/ aga aandé', nee dakw'eene sakwasleema aga tleéhh, aníng li/aay u buú' dír wakuuser'eé'. Mukdaádá' aníng i ahhiít u sakwasleemuút.

Ebrania 10:30

Asma inós u xuaán kudá' aa oo', «Li/aay a daanduueé', aníng li/aay u buú'.» Nee aa malé oó', «Aako mukós gu sakwasleemuut.»