ESEKIELI 9:1 - Biblía Axweesantá Hhohho' ar Mungú 2004

¹ Aluuwo afór ur ngiri axaás, AAKOÓ MUNGÚ i kaahi, «Qwalaasare'! Tseewuwaré', kuungaádá' gixsarí ngi sakwasleemutá'! Qwalaas nee xooslár slaqwararhunge ar gixsarí hhaamisa.»

ESEKIELI 9:1 Iomraidhean Croise

2 WAAWITÁ 10:24

Naagáy niri dahiyé' nee Yehonadabu as ilahhooár muruú ta tsu/i nee ar da/aa/ango kawa haniisi ar Ba'ali. Yehu múk mibeeri dakaát gwa amohhe'eés tsee/aawo, guri báy, «Mukwí sleémeero tsu/aak. Hee tumu wák bura geemeeré', heedaádá' gwa geemay aqo kun gaas.»

1 QOM'I 21:15

Mungú malaykamo gway ya/aáw as gixsár Yerusalemu ngiwa qwaareesi, ala inslawaywós gway warqeés, malaykamoowí gway báy, «Aido, dawar ki/eek.» Malaykamo qoomaadae i sihhmiit dír afeenír balaangw muxta ar doó Ornani heé Yebusi.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

YEREMIA 4:6

Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»