ESEKIELI 8:6 - Biblía Axweesantá Hhohho' ar Mungú 2004

⁶ Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

ESEKIELI 8:6 Iomraidhean Croise

2 QOM'I 29:5

giri báy, «Aníng iiárií qaasaré' kuungaákaá tlahhoó Laáwi, ti kiloohúng hhoohhooeese', nee Doó AAKOÓ MUNGÚ, Munguú baabi'iihúng, ku hhoohhooeesá'. Xwaansláy sleémeero oo didá' hhoohhoó' i dirií' tsee/áy kwahhaak.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

AXWEESANOÓ SAGALOOA 5:14

Hám daxta aga nakaá/ niwa suquut, dír geeraá múk yaariír wa ale.»

YEREMIA 11:18

AAKOÓ MUNGÚ aníng ina xu'utís, nee geewaqatuuín kudá' nguri laqán.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 32:34

Inooín muruudá' ta waki nguna qaasiyé' baraá do'owí ta umuuér ateetin, nee nguri meetagaasiyé'.

YEREMIA 7:17

Xáy, kuúng hamí a ga/eerakáhe muruú inooín i tlehhiitiya' baraá gixsadaá Yudawo nee baraá lohdaá Yerusalemuro?

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

ESEKIELI 10:18

Naagáy xirfuú AAKOÓ MUNGÚ iri quútl dír maandár dó' wa alé, iri tláy iri sihhiít gawaá daanduú keruúbidá'.

ESEKIELI 10:19

Keruúbi hhaampi'ii'ín giri gwét, niri gáwtí /akumitiyé', aníng ina ár, slám /angeegeuudá' i bihhaaín i dirii'. Niri sihhiitiyé' dír geeraá afkú bihhaá da/aáw oo Doó AAKOÓ MUNGÚ, nee xirfuú Munguú Israeli i gawaadá' i dirii'.

ESEKIELI 11:22

Qoomaarihe keruúbidá' hhaampi'ii'ín gina gwét as niwa /akumitiya' dinkwa nee /angeegéuudae, nee xirfuú Munguú Israeli i gawaaín i dirii'.

ESEKIELI 11:23

Naagáy xirfuú AAKOÓ MUNGÚ iri tsa/án gáwtí alé amór tla/ángw gixsár wa alé, iri sihhiít gawaá tlooma, bihhaá da/aáw awa gixsa.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 43:8

Waawitaaín ina tleehhiít, nahhtaín ngina tleehhiyé' bihhaá nahhtaeé', nee duxutamaaín bihhaá duxutmooeé', nee maandaduuín bihhaá maandar'eé', aníng nee inooín gár taa paratl a har koo/i kilós. Gawaá adoorihe aníng iri meetagaasiyé' ar muruuín kudá' slasla/arén naa tlehhiitiyé'. Aníng niri buúhh, ngiri hhaamiís.

ESEKIELI 47:6

Heedaádá' aníng iri báy, «Aá heewí! Muruuwí sleémeero taa aán harmagahheek ló'wa alé.» Naagáy iri ki/ís ay dír afaá yaae.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 8:13

Slám ina malé báy, «Gimáy daameek, muruú urén oo aníng i buhhtamís oo i tlehhitiyá' u ara hhe'és.»

ESEKIELI 8:14

Naagáy iri huúw ay dír afkú bihhaá /iya oo Doó AAKOÓ MUNGÚ, didaádae /ameena aa iwít ar tsuunqumiis as Tamusi Múk Kana'ani guna sluufmiís. Inós a munguú harma/o, qoomár ageewo tan tsuunqumiis ngiwa xuiya' Munguúín kwí aa gwaá'.

ESEKIELI 8:7

Aluuwo iri ar tláy ay dír afkú afeeni. Niwa qaytsiít fooxa ngiri baraá koo/írií ár.

ESEKIELI 8:9

Inós iri báy, «Dáh baraá do', muruudá' slasla/arén i tlehhiitiya' barasinge xuxueek.»

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.