ESEKIELI 8:16 - Biblía Axweesantá Hhohho' ar Mungú 2004

¹⁶ Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

ESEKIELI 8:16 Iomraidhean Croise

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

2 WAAWITÁ 16:14

Kitangwduú ilahhooa aáng taa tleéhh ar muqslír sirdaa/aat, guri paraátl as AAKOÓ MUNGÚ, guri hingeés, geeraá dó' wa alé, dír tla/ángw kitaangós kuduú ilahhooa nee Doó AAKOÓ MUNGÚ, guri qaás bihhaá /iya awa kitaangós kuduú ilahhooa.

2 WAAWITÁ 21:5

Kiteeraá tsatse/ sleémeero kuwa sluufmiisi gina tleéhh baraá afeenaadá' tsár ar baraá guruú doó AAKOÓ MUNGÚ.

2 WAAWITÁ 23:11

Farasuudá' aáng waawituú Yuda aa duxún dír tsee/amá, kudá' sihhiit didár dahmaá amór doó AAKOÓ MUNGÚ dír inslaawoó doó Natan-meleki, heedaádá' taa karmúy. Waawutmo Yosia farsuudá' guna hingeés nee gaardaá tsee/amá giri ásltí qaás.

2 WAAWITÁ 23:5

Inós kaahamuusér murslaaqat gana hingeés, tidá' aáng waawituú Yuda aa qaás as mooyángw tsuú' kuwa da/aa/an gawaá kiteeridaá gawaá gongoama', kudá' baraá gixsadaá Yuda nee awa baraá yaamaá Yerusalemu sleémeerowo, kudá' sleeme mooyaangw ngwa da/aa/ane' dír Ba'ali, nee tsee/amá, nee slahhaangw, nee tsatse/uú urén, nee tsatse/ sleémeero kuduú gawaá doori.

2 QOM'I 29:6

Asma baabi'iirén nina inkihhimu wasleesiyé', nee muruú tlákw nguri tleehhiyé' dír ilaá AAKOÓ MUNGÚ Munguúrene. Inooín nguna si'iyé', ngway amór saáw i mayé', didá' AAKOÓ MUNGÚ i hooti ngiri alaá xu'usiyé'.

2 QOM'I 7:7

Slamí waawutmo Solomon didár tla/ángw afeenír do' gana paraátl. Ilahhooár da/a sleémeero gay didií haniís, ilahhooár balaangw nee didá' wahhaar gana ilahhooár waydú wa haniís. Inós adoorí gana tleéhh asma kitangwdá' aa tleéhh ar muqslár sirda/aten oo ilahhooa hanmis i bu'utiiká.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 32:33

Inooín aníng ina alaá xu'usiyé' iga i qayti'iiká, tam aníng inooín iga intsaahhatimisi umuú daqto, ala axweesante'eé' nga iiárií qaasi'iiká, sleeme intsaahhasar'eé' ngaa ilaoohi'iiká.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

ESEKIELI 10:3

Qoomár heedaádá' iwa dáh, muruudá' ta bay keruúbi aa sihhiít bihhaá basa awa Doó Mungú, huunki afeenidár do' gari hatsís.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 23:35

«Gawaá adoorihe anuú Aakoó MUNGÚ a kah, ‹As aníng iwa gunqaarés nee iwa daanduú xu'ús, daxta a aán as tsaatu'uumarók nee fuqtók.› »

ESEKIELI 23:39

Asma baalaadár kilae na/ii'ín ngiwa ilahhooár wa tsu/iyé' dír slaqsi'iidaá munguaá hatlá', nina hardihiyé' ay dír dooeé' kudá' hhoohhoó', ngway meetagaasiyé'. Adoorí an adoodá' naa tleehhiyé' baraá dooeé' wa ale.

ESEKIELI 40:28

Heedaádá' aníng iri waarahhaás ar loohír bihhaá basa, tari hardahaán ay afeenír baraá guruú do'. Loohidá' gana qoomeés, naxés i alqoná' nee lohduudá' daraahá' baraá koo/ír tsee/ií ale.

ESEKIELI 40:6

Naagáy aluuwo iri tláy amór afkú bihhaá da/aáw, tsa/a/amto gari ar tsa/án. Qoomár iwa gawaadá' i dirii'i maandár afkú do' gari qoomeés.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

ESEKIELI 43:8

Waawitaaín ina tleehhiít, nahhtaín ngina tleehhiyé' bihhaá nahhtaeé', nee duxutamaaín bihhaá duxutmooeé', nee maandaduuín bihhaá maandar'eé', aníng nee inooín gár taa paratl a har koo/i kilós. Gawaá adoorihe aníng iri meetagaasiyé' ar muruuín kudá' slasla/arén naa tlehhiitiyé'. Aníng niri buúhh, ngiri hhaamiís.

ESEKIELI 45:19

Kaahamusmo tseerér ilahhooa gan bahh taataahh, nahhtá Doó Mungú gari sliik nee kankeemoodá' tsiyáhh awa kitángw ilahhooa, nee nahhtá afkú tar daraahi baraá afeenadár baraá guruú do'.

ESEKIELI 46:1

«Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

ESEKIELI 7:23

«Minyororo tleehheek, asma yaamu tsu/utaro naa hatsiyé', nee baraá gixsaro /ayta aa tláhh.

ESEKIELI 8:15

Mungú iri báy, «Heewí, tí aga aándi? Gimáy lakiít, muruú aníng i buhhtamís oo kwí ba/a u aán.»

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

DABE 17:3

inós munguaá hatlá' giri sagadiyuús nee giri sluufmiís, nee sleeme tsee/amá, nee slahhaangw tam tsatse/uú gawaá doori guri sluufmiís, kudá' aníng naa ooiiká kuwa sluufmisá',

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.