ESEKIELI 8:11 - Biblía Axweesantá Hhohho' ar Mungú 2004

¹¹ Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

ESEKIELI 8:11 Iomraidhean Croise

2 WAAWITÁ 22:12

Waawutmo Yosia kaahamusmoó Mungú Hilkia, nee Ahikamu garmoó Shafani, nee Akbori garmoó Mikaya, nee goousmo Shafani, nee Asaya sagadiyusmoó doó waawutmo, giri báy,

2 WAAWITÁ 22:14

Gawaá adoorihe, kaahamusmoó Mungú Hilkia, nee Ahikamu nee Akbori nee Shafani nee Asaya sleémeero tana daqáy amór aaruso'o Hulda, harér Shalumu, garmoó Tikfa, garmoó Harhasi. Shalumu an kudá' tlabaá doó Mungú amohhee'emaamiís. Qoomaadae Hulka dír i hot a bartá tsár ar Yerusalemu. Inooín nee aaruso'o Hulda tari axweés.

2 WAAWITÁ 22:3

Kurkú mibaá nee dakaát oo waawuti'iimár Yosia, inós goousmo Shafani garmoó Asalia, garmoó Meshulamu, guna ya/aáw amór doó AAKOÓ MUNGÚ, iwa kaahi,

2 WAAWITÁ 22:8

Hilkia kaahamusmoó úr oo Mungú Shafani kuduú goousmo guri báy, «Gám kitaábuú dabe ugwa baraá doó AAKOÓ MUNGÚ wa sláw.» Hilkia kitaábuudá' guri haniís dír Shafani, inós guri soomuús.

2 WAAWITÁ 25:22

Waawutmo Nebukadnesa oo Babuloni Gedalia garmoó Ahikamu, nángw naangó Shafani, guna qaás tawa ga/aawusmoó muu sleémeero oo Yuda, kudá' taa huwiiká Babuloni.

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

2 QOM'I 26:19

Qoomaarihe Usia i sihhmiit baraá Doó Mungú wa ale bihhaá kitangwduú mooyaangw kway da/i, gár mooyangwdá' ngur da/i ga kón dakose. Iri buúhh amór kaahamuusér Mungú, Usia gitsee/aawós tiqtír tsatmit giri ót dír geeraá kaahamuusér Mungú wa ale.

2 QOM'I 34:20

Aluuwo waawutmo Yosia Hilkia nee Ahikamu garmoó Shafani, nee Abdoni garmoó Mika, nee goousmoó Shafani, nee Asaya sagadiyusmoó waawutmo, giri báy,

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

TI'INAANGW 24:9

Kár Mose nee Aroni nee Nadabu, nee Abihuwo nee bariiseedá' mibeeraá faanqw ar Israeli tari tsa/án gawaá tlooma.

ISAYA 44:13

Heé peehhoó dakuút guna gan'amiís, guna layarí qamín ar kalaámuú penséli, guri natsatsaeés ar ránda, gari adór slaqsoó hhoohhoó' oo heé wár tleehh, ngway qaasiyé' baraá maray'ín.

YEREMIA 19:1

AAKOÓ MUNGÚ aníng ina báy, «Tláw, sirwír hhekw tlaxweek dír heé tleeusmowo, daqaní bariise báhh'alé nee kaahamuusér uren ar Mungú ka léhh.

YEREMIA 19:4

Asma mukwí aníng iga geexáy, nee yaamuuká' nga meeta gaasiyé' ar da/aa/ángw mooyaangw dír munguaá hatlá', munguiidá' inooín nee baabi'ii'ín, laqaá waawitaáín ta baloó xuiiká. Nee sleeme yaamuuká' nga hatsiisiyé' tseerdaá múk dakuús wasle.

YEREMIA 26:22

Waawutmo Yehoyakimu, heé ta bay Elnatani garmoó Akbori dinkwa nee múk niiná, giri ya/aáw ay yaamaá Misri.

YEREMIA 26:24

Ala Yeremia kuna xún nee Ahikamu garmoó Shafani as mukuwa gaás nee muu.

YEREMIA 29:3

Barwito'oorí kana huúw nee Elasa garmoó Shafani, nee Gemaria garmoó Hilkia, kudá' Sedekia waawutmoó Yuda aa ya/aáw amór Nebukadnesa waawutmoó Babuloni. Yeremia gár aa gooín a tí,

YEREMIA 36:10

Naagáy Baruku /aymi'iidaá Yeremia giri baraá kitaábuú wa soomuús dír muu sleémeero iwa axamiisi, gina baraá Doó AAKOÓ MUNGÚ wa soomuús dír kutuwidár Gemaria garmoó Shafani kuduú goousmo. Kutuwirí i didár matla/ángw gawa, dír Afkú /Abén oo Doó AAKOÓ MUNGÚ.

YEREMIA 44:21

«Daanduú mooyangwdá' tsuú' kuungá' taa da/a/aandé' baraá gixsadaá Yudawo nee baraá Yerusalemu kuungá' nee baabi'iihunge, nee waawitaáhúng nee geeraharuuserhúng dinkwa nee muu sleémeero kuduú baraá yaamuudá'. Xáy, kuungá' ka xua' AAKOÓ MUNGÚ a saga qwaári laqaá ga inslaslaykáhe?

YEREMIA 5:5

Aníng a axweesantá áw dír geeraharuuser'ín, inooín gár Mungú i slai ngi xuiyá', nee dabeerose.» Ala inooín sleémeero i alqoná' waawuti'iimár AAKOÓ MUNGÚ ngina si'iyé', nee iialooeesaro nguna si'iyé'.

YEREMIA 52:27

Waawutmo Nebukadnesa oo Babuloni mukwí guna muúx, guri tsuú/ baraá Ribla tidár baraá yaamaá Hamati. Gawaá adoorihe múk Yuda kuri loohatís baraá yaamuuine.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

ESEKIELI 20:1

Slahhángw kooán bal tawa mibaangw, kurkú faanqw oo xoorór Israeli kawa loohatís, bariise bahh'alé ar Israeli ina amór Esekieli keér, as nguwa yaahas daanduú gár AAKOÓ MUNGÚ i slai, nee inooín niri iwiitiyé' dír geeraaeé'.

ESEKIELI 8:10

Naagáy aníng niwa dáh, koo/i ngiri ár, naxés kaa gooaaín slaqsa'aá dayshe nee awa makaá hatlá' awa slasla/aren, nee awa makaá sla/a awa i buhhtamisá', nee slaqsa'aá munguaá múk Israeli naa tleehhiyé' ar dabaaín, kaa tlehhahhiít, guruú do' ngway harweeriyé'.

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.

FAARO 11:16

Naagáy AAKOÓ MUNGÚ Mose guri báy, «Bariisér múk Israeli ar mibeeri faanqw burumbuurang, tidá' ta ilaiwawa/i nee ta slai geeraharuusér wa ale. Huwang dír heémár Mungú, ta sihhiiti bihhaawók i ale.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 16:17

Umuú heewo dirhunge xooslmoowós oo asla ngu taataahhi nee mooyángw tsuú' ngu gawaadá' i qaasi, nee guri huuw dír geeraá AAKOÓ MUNGÚ. Xooslaarí dinkwaaro a tsiire tsár nee mibeeri kooán. Sleeme kuúng nee Aroniwo umuú heewo xooslmoowós.»

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

FAARO 7:50

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

Luka 10:1

Aluuwo Aako eeharuusér hatlá' mibeeri faanqw nee tsár gana tsawaár. Giri ya/aáw tiwa tsádér wa koomakona', tawa girin dirose, umuúqo didá' inós i keemuú wa slai, baraá gixsadu nee amór hatlae.