ESEKIELI 8:10 - Biblía Axweesantá Hhohho' ar Mungú 2004

¹⁰ Naagáy aníng niwa dáh, koo/i ngiri ár, naxés kaa gooaaín slaqsa'aá dayshe nee awa makaá hatlá' awa slasla/aren, nee awa makaá sla/a awa i buhhtamisá', nee slaqsa'aá munguaá múk Israeli naa tleehhiyé' ar dabaaín, kaa tlehhahhiít, guruú do' ngway harweeriyé'.

ESEKIELI 8:10 Iomraidhean Croise

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

ISAYA 44:13

Heé peehhoó dakuút guna gan'amiís, guna layarí qamín ar kalaámuú penséli, guri natsatsaeés ar ránda, gari adór slaqsoó hhoohhoó' oo heé wár tleehh, ngway qaasiyé' baraá maray'ín.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 3:9

Tsaatu'uuma dir'ine a gár ta hhasliitiiká, yaamu ngiri meetagaasiyé', tsaatu'uuma ngina tleehhiyé' tlaa/e nee xaai ngiwa haratlintati'iya'.

YEREMIA 44:21

«Daanduú mooyangwdá' tsuú' kuungá' taa da/a/aandé' baraá gixsadaá Yudawo nee baraá Yerusalemu kuungá' nee baabi'iihunge, nee waawitaáhúng nee geeraharuuserhúng dinkwa nee muu sleémeero kuduú baraá yaamuudá'. Xáy, kuungá' ka xua' AAKOÓ MUNGÚ a saga qwaári laqaá ga inslaslaykáhe?

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 23:14

«Ala Oholiba fuqtós gana ló'wa tlahhás, sleeme kari sla'atís nee slaqsa'aá múk Kaldayo, kudá' taa gooín baraá koo/írí alé, kari qaalín ar kal'aá da/aten,

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

ESEKIELI 8:9

Inós iri báy, «Dáh baraá do', muruudá' slasla/arén i tlehhiitiya' barasinge xuxueek.»

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

DABE 14:3

«Gár Mungú gu buhhtamis ma baloó /ayaara'.

DABE 4:16

Ma hhitiruutara' ar slaqsa'aá munguaá tawo kiwa dakuta', laqaá slaqsoó adór hhawaata, laqaá oo adór /ameeni,

DABE 4:18

laqaá oo makiito'ór gurúr hi'iimiit, laqaá siyoó baraá ma'aay.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',