ESEKIELI 7:8 - Biblía Axweesantá Hhohho' ar Mungú 2004

⁸ «Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

ESEKIELI 7:8 Iomraidhean Croise

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

WARA'AMI 79:6

Buhhtaawo daa/atúw gawaá daanduú kudá' kuúng u xuaaká, nee waawuti'iima sleémeero tidá' umuuwók gu ateetimaaká.

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

YEREMIA 36:31

Aníng inós un muúx nee xwaylarose dinkwa nee sagadiyuuserós asma tlakweemaaín. Inooín in amotlakweérií huúw nee yaamuloousér Yerusalemu sleémeero nee múk Yuda sleémeero daanduú tidá' aáng nga bawí nee inooín tari axaasiiká.› »

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 16:59

«Eeít, anuú Aakoó MUNGÚ an káh, Kiír Yerusalemu, adoodá' tawa hariin ngi kiíng i tleéhh. Kiíng lo'oodá' taa /ák aga waaqá', nee al'axweesantadá' aga meér.

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:33

«Adoodá' aníng nir hotaatima, anuú Aakoó MUNGÚ lo'o aga /aáy, ana oó', ‹Aníng kuungá' nu sawaawuti'iím ar dakw'eé' oo ló'wa /uuruú koóm ar xarasleema, nee nuri i buúhh.

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 30:15

Án Pelusiumu an i buúhh, koo/idá' gawit ta harahhifi nee múk Misri, nee daqtá Tebesi an hhaamiís.

ESEKIELI 33:20

Ala tam hamí kuungá' a katá', ‹Gár Aakoó MUNGÚ i tlehhiiti i gana'aká.› Aá múk Israeli, aníng umuú heewo un sakwasleemuút ar qoomoó tlehhmi'iiwós.»

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

ESEKIELI 7:27

Waawutmo i tsuunqumiis, geeraharusmoó úr i diqay tsatamiit, nee muu iri daaraax daeero. Aníng adoodá' tlehhmi'ii'ín i dirii'iya' an dir'íní tleéhh, in sakwasleemuút adoodár múk hatlá' ngura sakwasleemuút. Aníng daqaní i tsaahhiyá' adór tar AAKOÓ MUNGÚ.»

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

ESEKIELI 9:8

Qoomár tawa múk tsu/i, aníng tina kilooeé' geexáy, niri gurúr qaát yaamu, niri /aá/, niri oó' «Aá Aakoó MUNGÚ! Múk Israeli sleémeero kudaá meet u hhaamísa, as xaraasleemawók daanduú Yerusalemuro kiwa boo/es?»

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HOSEA 12:3

Baraá guruú aayoorose koolór hhiyaawós gana óh, iwa uráy tina tlaampa'asiyé' nee Mungú.

HOSEA 5:10

Geeraharuusér Yuda ni hardát, inooín a adór múk digeemaá hingeemiís. Aníng inooín in i buhhtaeéní ku'uús adór ma'áy wa alé.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.