ESEKIELI 7:7 - Biblía Axweesantá Hhohho' ar Mungú 2004

⁷ Kuungá' yaamuloouusér yaamuuká', hhaamisarhúng naa i hardát, qooma naa hardát, eeít, deelo naa tseewuúr. A deelór amoqwaqwadiingw nee a deelór bar/uuwooká gawaá tlom'iiwo.

ESEKIELI 7:7 Iomraidhean Croise

IIMU/UUNGW 19:15

Qoomár matlaatlér boo/e malayke Loti guri harakés, i kat, «Tláw, kuúng nee hareerók nee dasuuwók kwí tsár diirí dirií', ma qwaarara' baraá tlakweemaá gixsarí.»

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

ISAYA 13:22

Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 16:10

Asma qwala/ nee bar/uwo naa faakiyé', baraá yaamuudá' wahhaara'a. Baraá qamaá sabiíbuwo daa'aangw i sangw kaahh, tam afór ti'imiit i káhh sleeme, sabiíbuú ta tsoo/iti i sangw kaahh, bar/uú heé sabiíbuú kal/aám ugwa hingeés.

ISAYA 17:14

Muu ngun mak dae tsatiyá' qoomár tsiindoowo, ala koonkomo iwa uui inooín i qaroó kahhiyá'. Mukdá' muruurén gu hayoohiím kun adoorí laaq, nee kudá' muruurén hara/uuntsimá' tí gi sleér.

ISAYA 22:5

Asma Aako MUNGÚ Aleesleemusmo, baala gaa amohhe'eés, baalár /aa/e, nee kal/aando, nee ar tlaahhi, baraá xatstá iigu'utuuwo, koo/ír gixsa kaa yaamií daáhh nee tsimaahhír muko tlom'i niri ilaoohiyé'.

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

ESEKIELI 12:28

Gawaá adoorihe, ki beer, Anuú Aakoó MUNGÚ a kah, Axweesante'eé' tí i tligaká ala iqo bó/ sleémeero deeloorír kilae. Anuú Aakoó MUNGÚ tí aga oó'.»

ESEKIELI 30:3

Asma deeloodá' ka tseew, deeloodár AAKOÓ MUNGÚ ka ló'wa tseew. Deeloorí a adór giwtír ma/ami, baalár xoordu kiwa hhaamisi.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?