ESEKIELI 7:5 - Biblía Axweesantá Hhohho' ar Mungú 2004

⁵ «Gár anuú Aakoó MUNGÚ ni kah a tí, amotlakwe hhaywós i tsatitiiká dirhunge.

ESEKIELI 7:5 Iomraidhean Croise

AXWEESANOÓ SAGALOOA 13:21

Gitse/aá tlaakwá' heé tlakweemaá tlehhaahhiít ngun eeharahariyá', Ala heé hota ganaá' qeemuú muruú hhó' gu sláy.

AXWEESANOÓ SAGALOOA 24:16

Asma heé hota ganaá' tim huui sagáwa faanqw aqo in male sihhiit, Ala múk tlákw gár tlaakw aqo gin fák.

ISAYA 21:12

Xuumusmo iri oó', «Looa niqo tlatleér, nee xweera ni hardihiyá' sleeme. Kuúng bar yaahamisuú slá', yaahamiís, ta tleér, ni malé kí/.»

YEREMIA 19:3

Ki beer, kuungaá waawituú Yuda nee yaamuloouusér Yerusalemu, iia qaasaak! AAKOÓ MUNGÚ Aleesleemusmo, Munguú múk Israeli, i kaahi, ‹Ar ló' amotlakwér tlakw ngi baraá yaamuukií huúw, umuú heé kaangwí gwaa axaasi i ló'wa da'ayuut.

ESEKIELI 5:9

Asma gawaá daanduú tidá' kuungá' taa tlehhi'i, tidá' aníng iga buhhtís, nun sakwasleemuút ar sakwasleemár naa baloó tleehhiiká nee anqo baloó tleehhaaká male alé.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

ESEKIELI 7:2

«Heewí, yaamuloouusér yaamaá Israeli ka beer, ‹Aníng AAKOÓ MUNGÚ a kah, hám daxta alhhe'eesayhúng naa xáy, alhhe'eesaay naa hardáh dír yaamuuká sleémeerowo, badu tsiyahhaawo.

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

NAHUMU 1:9

Gár tlaakw ar ta aldakuta' daanduú AAKOÓ MUNGUHE a milá? Inós alhhe'eesayhúng oo ganaá' gwaa qaás, slahh'amu i ki/iiká sagaáwa tsare.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Matayo 24:21

Asma slahh'amuú deeloodá' ku úr adór taa baloó ariiká iimír iimu/úngw yaamuwo ay laarí, slám slahh'amuú adór kwí i baloó ki/iiká.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.