ESEKIELI 7:3 - Biblía Axweesantá Hhohho' ar Mungú 2004

³ Hám daxta alhhe'eesay naa hardáh. Buhhtaeé' awa xaraaslá' daanduhunge i axasá', nun sakwasleemuút ar har qoomoó tlehhmi'iihúng, nun sakwasleemuút as muruudá' sleémeero aníng i buhhtamís taa tlehhé'.

ESEKIELI 7:3 Iomraidhean Croise

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

ESEKIELI 16:43

Kiíng aga gunqaarút tidá' anuú Aakoó MUNGÚ naa tleéhh qoomár kiíng tawa /amaatliito'o. Kiíng aníng iga ló'wa buhhtís ar muruudá' sleémeero taa tlehhaahhít. Aníng kiíng i li/áy buú' daanduú umuú gár taa tlehhi. Anuú Aakoó MUNGÚ tí aga oó'. Xáy, slasla/ara ugwa qo dogkáhe daanduú muruuwí sleémeero án ni ahhiita?»

ESEKIELI 16:59

«Eeít, anuú Aakoó MUNGÚ an káh, Kiír Yerusalemu, adoodá' tawa hariin ngi kiíng i tleéhh. Kiíng lo'oodá' taa /ák aga waaqá', nee al'axweesantadá' aga meér.

ESEKIELI 18:30

«Gawaá adoorihe, anuú Aakoó MUNGÚ kuungaá múk Israeli, nun sakwasleemuút. Umuú heewo un sakwasleemuút ar harqoomoó tlehhmi'iiwós. Hhu'uu'umé' nee tlakweema tlehhtuuwo mawaak, tlakweemaahúng munduwa hhaamiisiyé'.

ESEKIELI 21:25

«Kuúng waawutmoó Israeli, kuúng a heé aa ló'wa hhitiruut. Baalaarók naa hardát, eeít, baalár muxtaarók ar alhhe'eesáy.

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 33:20

Ala tam hamí kuungá' a katá', ‹Gár Aakoó MUNGÚ i tlehhiiti i gana'aká.› Aá múk Israeli, aníng umuú heewo un sakwasleemuút ar qoomoó tlehhmi'iiwós.»

ESEKIELI 36:19

Ina diyaá/ baraá tla/ángw xoordaá hatlá', ngiri tsiyayaáx baraá yaamaá hatlá'. Inooín ina sakwasleemuút ar har qoomoó tlehhmi'ii'ín.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

ESEKIELI 7:2

«Heewí, yaamuloouusér yaamaá Israeli ka beer, ‹Aníng AAKOÓ MUNGÚ a kah, hám daxta alhhe'eesayhúng naa xáy, alhhe'eesaay naa hardáh dír yaamuuká sleémeerowo, badu tsiyahhaawo.

ESEKIELI 7:27

Waawutmo i tsuunqumiis, geeraharusmoó úr i diqay tsatamiit, nee muu iri daaraax daeero. Aníng adoodá' tlehhmi'ii'ín i dirii'iya' an dir'íní tleéhh, in sakwasleemuút adoodár múk hatlá' ngura sakwasleemuút. Aníng daqaní i tsaahhiyá' adór tar AAKOÓ MUNGÚ.»

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

HOSEA 12:3

Baraá guruú aayoorose koolór hhiyaawós gana óh, iwa uráy tina tlaampa'asiyé' nee Mungú.

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.