ESEKIELI 7:26 - Biblía Axweesantá Hhohho' ar Mungú 2004

²⁶ Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

ESEKIELI 7:26 Iomraidhean Croise

WARA'AMI 74:9

Layár ta ara'araan i káhh, laqaá aarusmo. Tam alhhe'eesoó tí heé gu xuú' i kaahh.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 37:17

waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

ESEKIELI 11:2

AAKOÓ MUNGÚ aníng iri báy, «Heewí, mukwí an kuduú muruú tlákw iimi/u/uúm, nee a múk hara'ayár qoomaaká hanmiís baraakaá gixsaro,

ESEKIELI 12:22

«Heewí, ahaá waáy gár axweesantí kas kaahi daanduú Israeliwo? Tí tawa kaahi, ‹Deelo nin hardarát nee iri waaráhh, ala iigu'utuú aarusmo i boo/iiká.›

ESEKIELI 14:1

Looarka wake bariisér múk Israeli ina haraxeér as iwa hara'ayár slaiya'.

ESEKIELI 21:7

Kuúng bur yaahamisiyá' bir kaahiya', ‹Ahaá waáy, mas tsuunqumís?› Kuúng ki beer, ‹An tsuunqumiís as kangwko hi'iít. Umuú heewo iri daqiyá tsatiit as kangwdá', dabaaín niri sikmiitiyá', umuú heewo iri /arán, gurunge'eeri'ín niri tsatimitiyá'. Kaangwí oo ló' ni tsuwa hardah, i pa/iiká tleehharutaro.› Anuú Aakoó MUNGÚ tí aga oó'.»

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

TLAHHOÓ LAÁWI 26:18

«Nee tam alaá tunduwa doohhiís iga iiárií qasi'iiká, naagáy, nun doohhiís ki/ima faanqw as tlakweemaahúng.

TLAHHOÓ LAÁWI 26:21

«Bar aga kumité' aníng tlampa'amisuuwo nee iwa siasia' axamisuuwo, aníng muxtarhúng ngi male doók ki/ima faanqw ar qoomoó yaareemaá tlakweemaahúng.

TLAHHOÓ LAÁWI 26:24

naagáy aníng nee kuungá' tin tlampa'asaán nee nuri muúx ki/ima faanqw as tlakweemaahúng.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

MALAKI 2:9

«Gawaá adoorihe aníng kuungá' naa gár waaqa'atiit tleéhh, nee daqatlaakw, dír geeraá muu sleémeero, ar adoodá' hara'ayar'eé' kawa gaárí xua'aaká, ala muu una barqaantusé' baraá hara'ayar'eene.»

DABE 32:23

Aníng amotlakwe an gawaaín i ufa tleéhh aníng i tlaquút ar maheerieé'.

1 SAMUELI 3:1

Aluuwo garmaadá' ta bay Samueli AAKOÓ MUNGÚ guna sagadiyuús dír Eli wa ale. Deeloodae axweesantá amór AAKOÓ MUNGÚ daahh ina ilatlakuúr, tam iigu'utu sleeme ina ló'wa /aarúy.