ESEKIELI 7:20 - Biblía Axweesantá Hhohho' ar Mungú 2004

²⁰ Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

ESEKIELI 7:20 Iomraidhean Croise

2 WAAWITÁ 21:4

Kiteeraá ilahhooa gina tleéhh baraá Doó AAKOÓ MUNGÚ didá' aáng AAKOÓ MUNGÚ iwa oó', «Yerusalemu an dír umuueé' kuwa ateeti.»

2 WAAWITÁ 21:7

Slaqsoó Ashera guri tleéhh, guri qaás baraá guruú do', didá' aáng AAKOÓ MUNGÚ Daudi nee Solomon ngiwa báy, «Baraá do'wihe nee baraá Yerusalemu tidá' án naa tsawaár, an didaádá' tlahh'aá Israeli sleémeero umuueé' kuwa ateetin ay kureeraá kureér.»

2 QOM'I 2:9

as peehhoó yaariír nguwa feehhamisiya', asma doó ni tleehhamór wa slaa' a doó ló'wa úr nee oo waa/oo/amo.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

ESRA 3:12

Ala kaahamuusér yaariir nee múk tlahhoó Laáwi nee kudá' uren awa tlahh'aá taati'i, nee múk aa diimaadin kudá' doó geera ngwaa ariye', qoomár iihhafiirír do'owí ngiwa ariyé', tana /aa/aamín ar afór ur, tam bahh'ale i tsimaahhuusiia ar qwala/.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

WA/AA/I 1:10

Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

WA/AA/I 2:7

Aako kitaangós kuduú ilahhooa gwaa niqín, dirós tidá' hhoohhoo' gaa sií', Do'ós kuduú waawuti'iima gwaa qaás gawaá dabaá wakuuse, niri tsimahhuusiyé' baraá Doó Mungú wa alé adór múk baraá deelór úr i dirií'.

ESEKIELI 11:18

Kuungá' bar aga ki/é' baraá yaamuuhúng, aníng muruudá' slasla/arén un hingeés, nee kudá' sleémeero i buhhtamís un hingeés.

ESEKIELI 16:16

Tlabaawók bahh'alé ina parootús ar kiteeridaá ilahhooa, tari didá' wa fuqús. Kángw adór kwí ugwa baloó axaasaniiká, nee sleeme inqo sangw baloó ti'iitiiká.

ESEKIELI 16:19

Muruú /aymar'eé' kudá' naa haniís una hanmís dír slaqsi'iidá' as tawa mooyángw tsuú', asma aníng kiíng ina /aymiís ar puuruú hhohhó' nee di/i nee danú. Anuú Aakoó MUNGÚ tí aga oó'.

ESEKIELI 23:38

Slám a tí kiloseeká, dooeé' nguna waaqaaiyé' nee deelor'eé' tidár Sabaáto ngina meetagaasiyé'.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 7:22

Aníng i alaá xu'ús as Dooeé' nguwa meetagaas, múk malguuse ta dah baraaká i ale nee kuri meetagaas.

ESEKIELI 9:7

Giri báy, «Doó Mungú meetagaasaak, afeenirós tuií dalaa/aak. Gimsé', tlawé'!» Naagáy tari tláy, muu kuri tsuú/ baraá gixsadae.

HAGAI 2:3

‹Baraá tla/angwhunge heé do'owí gwa ar i deéro, qoomár iwa adoorós tidár geerií kahhi kuwa xiríf? Hamí kuwa ga/eera' a adoomá, xáy kwí i ló'wa waaqaa'atiítiíke?›

HAR'OHUUSE 8:24

Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.