ESEKIELI 7:15 - Biblía Axweesantá Hhohho' ar Mungú 2004

¹⁵ «Heé tsee/aá gixsár i dirií' ku gaas ar paánga, nee baraá gixsaro tiqtír pu/i nee qwari muu ngun faakiyá'. Múk baraá qamu ta qaatl ar paánga, kudá' baraá gixsár i diriiá' kin hhaamiis nee qwari nee tiqtír pu/i.

ESEKIELI 7:15 Iomraidhean Croise

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 4:9

Múk amohhoó' a kudá' taa tsuú/ ar paánga ta kudá' qwari aa tsu/i, kudá' qwari aa ala looqaanuunúy as gár /ayma ngiwa dakuusiyé'.

ESEKIELI 12:16

Ala panoó niiná u meetiís baraá slaqwaraaro nee baraá qwarko, nee baraá tiqtír pu/ito, as kahhó' inooín adoodá' tlii/ naa tleehhiyé' ngiwa dír xoordií ooiya'. Diirí an didá' ngiwa tsaahhiya' adór aníng tar AAKOÓ MUNGÚ.»

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 6:11

Aakoó MUNGÚ ina báy, «Tsa/i'i slahheek! Yaamu kala/eek tawa o', Tsaxwaahúng múk Israeli asma muruudá' tlákw taa tlehhahhité' sleémeero. Asma kuungá' a qatlá' ar paánga, nee qwari nee tiqtír pu/i.

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.