ESEKIELI 7:11 - Biblía Axweesantá Hhohho' ar Mungú 2004

¹¹ Gurtleemu wasle aa kumiít ar adór ló'wa tlaakw, hee tumu wák oo dirhunge meét i kaahh, laqaá tam muruudá' yaariír taa burumburariindé', laqaá daqaari'iimarhúng, heé ilaiwa/amér koóm oo dirhúng i meét i kaahh.

ESEKIELI 7:11 Iomraidhean Croise

WARA'AMI 125:3

Asma múk tlákw ku ya/anká iwa waawuti'in baraá yaamaá múk gan'amuú kooma, as múk gan'amuú koóm tlakweema mingiwa tleéhh.

WARA'AMI 73:8

Muu ngun niqmisiyá' nee ngu muruú tlákwií kaahiyá', i daara/aná' i adór warqeemisiyá' ar muu ngur baramaanuusiya'.

WARA'AMI 78:64

Kaahamuuser'ín ar saaliingw kari tsuú/ ar paánga, tam kwaeelii'ín pa/ángw ir tsuunqumiisiya' ngwa slay'iiká.

ISAYA 14:29

«Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

YEREMIA 22:18

Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

YEREMIA 7:34

Yaamu in xaanxay tleéhh, iimír gixsadaá Yuda wa tleemu ay lohdaá Yerusalemu, afór qwala/ nee qaseengw ka axaasiiká nee afór ni/imár /aylaawo asma yaamu i deewaaiyá'.»

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 5:4

Ala se'éngw niiná taataahheek ku kwáhh baraá asla, ngu /ak. Asma asla i yaamuuká wa ti'ít, múk Israeli sleémeero guri /ák.

ESEKIELI 6:11

Aakoó MUNGÚ ina báy, «Tsa/i'i slahheek! Yaamu kala/eek tawa o', Tsaxwaahúng múk Israeli asma muruudá' tlákw taa tlehhahhité' sleémeero. Asma kuungá' a qatlá' ar paánga, nee qwari nee tiqtír pu/i.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

ESEKIELI 7:2

«Heewí, yaamuloouusér yaamaá Israeli ka beer, ‹Aníng AAKOÓ MUNGÚ a kah, hám daxta alhhe'eesayhúng naa xáy, alhhe'eesaay naa hardáh dír yaamuuká sleémeerowo, badu tsiyahhaawo.

ESEKIELI 7:23

«Minyororo tleehheek, asma yaamu tsu/utaro naa hatsiyé', nee baraá gixsaro /ayta aa tláhh.

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 6:3

Kuungaásingá' deelór tlaakw ngi amór saáwí haraaxuá', /ayta bihherhúng i tseewemisá'.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

MIKA 3:3

nee fu'unaá muk'eé' in /agá', nee kaduuín in daqá', nee faduuín kiri giqeerá'. Nee in tlaqá', kiri supaapiindá' adór fadaá ta baraá hutláy qaasi, nee tay adór fu'unaá baraá qataai.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.