ESEKIELI 6:6 - Biblía Axweesantá Hhohho' ar Mungú 2004

⁶ Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

ESEKIELI 6:6 Iomraidhean Croise

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

WARA'AMI 115:8

Kudaádá' ngi tlehhahhitá' a slaqás nee inooín, sleeme nee kudá' sleémeero ngi harahhifa'a.

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 2:18

Munguaá murslaaqat niri qwanaay hhe'eesiyá'.

ISAYA 2:20

Baalaadae umuúqo heewo munguiiwós kudaá murslaaqat gi kwaahh, amór kuti nee hhampararama', kuduú peésa nee oo sahaábuwo. Kudaádá' naa tleehhiyé', as nguwa sluufmisiya'.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 17:3

nee gawaá sagér tlom'iiwo, nee xatsoowo. Aníng daqaari'iimarhúng, nee umuúqo gár ta koonda'a an haasaáng wa haniís dír wakuuserhúng, as tawa bu'uutuú tlakweemaahúng kudá' taa tlehhaahhité' baraá yaamu sleémeero.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 51:18

I gaa buiiaaká, a lamtá tawo, qoomár sakwasleemar'ine i hhaná'.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

YEREMIA 9:19

Afór /aa/e ar amór Siyonír daahh aga axaasaán ar kah, Atén taa hhaamiís, atén taa ló'wa mureekeés. Asma atén yaamuurén iga geexawaán, asma inooín marayrén kaa yaamií daáhh.»

ESEKIELI 12:19

Múk yaamuuká' baweek, Anuú Aakoó MUNGÚ a kah daanduú yaamuloouusér Yerusalemu, tidá' baraá yaamaá múk Israelír hoota, kaangwí baweek, Muruú /aymar'ín ku /aay ar dae, nee ma'aay kin wahán ar amoqwaqwadiingw, asma yaamuuín nin tawo meetiyá', asma umuú heewo a /aytusmo.

ESEKIELI 16:39

In gawaá dabaá mulqeerók i qaás, inooín /antenoowók ngiri diyaa/iyá' nee wa/ameedár tay firór i aaeera. Tlabaawók ngiri duuxiyá', nee tlaa/eewók kudaá tlaxo uren ngiri hayoohiyá', kiíng tari mét ar /aankwets ar gaa wasl.

ESEKIELI 30:13

«Anuú Aakoó MUNGÚ an kah, Slaqsi'iidaá munguaá hatlá' in hhitiím, tam slaqsi'iidá' baraá gixsár Memfisi in hhitiím. Geeraharusmo i sangw deeruutiiká baraá yaamaá Misriro. Múk Misri tari daeérár hoot.

ESEKIELI 35:4

Gixsaduuwók in taangu tleéhh, nee kiíng tari adór xaanxay tleehhít. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 5:14

Slám malé alé kiíng gixsár Yerusalemu i adór panmo tleéhh, nee tari gár ta waaqaqai nee xoordu, kudá' iga harweeriye', nee dír ilaá mukdá' waraahha ar bihhiiwók.

ESEKIELI 6:4

Kitangwdá' ta ilahhooár i hanmaamisi ku hhitín, nee kudá' ta mooyángw tsuú' i da/a/aanda' ku geqaaqáy. Múk taa tsuú/ u kwaáhh dír geeraá slaqsi'iidaá mungui.

ESEKIELI 6:7

Kudá' ta tsu/i ta huhu'ún baraá tla/angwhúng, kuungá' kari tsahhá' adór aníng tar AAKOÓ MUNGÚ.

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

HOSEA 10:8

Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

MIKA 1:7

Slaqsi'iiwós kudá' mungui sleémeero kin naasúy, nee umuúqo gaarose kari daa/ ar asla. Nee slaqsi'iiwós kudá' ngiri hhaamiís. Asma muruudá' sleémeero taa burumbuurín as bu'utuú tsaatuso'o, Kunar tláy tawa bu'utuú tsaatuuse sleeme.»

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

MIKA 5:13

Aníng slaqsi'iiwók kudaá mungui ta haratlintaati' in hhitiím, nee uheemiiwók kudá' tlaa/e ayaahúngií diriiá' i hingeés. Kuúng gadiyér dabaawók a malé harahhifká.

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

1 SAMUELI 5:4

Looaytleerose matlaatleero tawa tláy, naxés! Dagoni aa male gurúr huú' yaamií ale, dír geeraá sandakmooduú AAKOÓ MUNGÚ, nee ságw Dagoni nee kunda'aá dabaawós tsaraawo naa tsatimitiyé', i dír duuxutmo. Slaqwtá Dagoni kilós ina mét.