ESEKIELI 6:14 - Biblía Axweesantá Hhohho' ar Mungú 2004

¹⁴ Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

ESEKIELI 6:14 Iomraidhean Croise

WARA'AMI 138:7

Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iyáy aníng i ba/amis.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 24:7

Sabiíbu i kahaakah, difaái i káhh, nee mukdá' sleémeero ga saqwalalaá/ i tiiq gurhaamiro.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 48:22

nee Diboni, nee Nebo, nee Bet-diblataimu,

ESEKIELI 12:15

«Qoomár bira diyaá/ baraá tla/ángw xoordaá hatlá', nee yaamaá saaw, an didá' aníng iwa tsaahhiya' adór tar AAKOÓ MUNGÚ.

ESEKIELI 14:13

«Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

ESEKIELI 15:8

Inooín dir'eene inkihhimu nguwa dakuusiyé', daxta yaamuuín in deewaameérií huúw. Anuú Aakoó MUNGÚ tí aga oó'.› »

ESEKIELI 16:27

«Naagáy dakw'eé' nguri tleés daanduuwók i alé as iwa sakwasleemuut. Afa nasli ngiri haniís iri máw dír wakuuserók tidár da/uuse, múk Filisti kudá' aa muruut tawo ale daanduú tlehhmi'iiwók awa ló'wa slasla/arene.

ESEKIELI 25:7

gawaá adoorihe aníng dakw'eé' ugwa gawaahúng i tleés. Naa haniís tunduwa ar tlay nee xoordaá hatlá'. Aníng kuungá' nu hhaamiís baraá xoorduuwo, nuri suqúw baraá yaamuwo. Daqaní kuungá' kari tsahhá' adór aníng tar AAKOÓ MUNGÚ.»

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

ESEKIELI 35:9

Aníng kiíng in xaanxay tleéhh ay alhhe'eesay wasle, gixsaduuwók ki malé wa hootiiká. Daqaní aníng i tsahhá' adór tar AAKOÓ MUNGÚ.›

ESEKIELI 7:1

Axweesantá AAKOÓ MUNGÚ aníng ana axaás, i kat,

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

SEFANIA 1:4

«Aníng dakw'eé' un tleés gawaá Yuda nee gawaá yaamuloouusér Yerusalemúr hoot sleémeero. Meetodár Ba'ali an hhaamiís as miwa geehhoouúr diirihe, nee munguúdá' ta bay Kemari dinkwa nee kaahamuuseerose.

FAARO 33:46

Tari Dibon-gadír wa tláy ay Almon-diblataimu, xafay'ín kuri didií tleéhh.