ESEKIELI 6:13 - Biblía Axweesantá Hhohho' ar Mungú 2004

¹³ Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

ESEKIELI 6:13 Iomraidhean Croise

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

2 WAAWITÁ 16:4

Aluuwo Ahasi ilahhooár muruú ta tsu/i nee mooyángw tsuú' gina hanmiís gawaá gongoamá wa ale, nee dír gamuú umuú xa'anoó naa/e.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 66:17

AAKOÓ MUNGÚ i kaahi, «Mukdá' ti kilooín hhoohhoeemiís nee ti hamtliít as tawa dahi baraá asalmoó firór munguaá hatlá', kudá' nee kaahamuuser'ín ti alkoomá', fu'unaá baynamo ngiri /ayiyá' nee muruú hatlá' oo ta waki, nee gareeriiwo. Mukwí sleémeero ta tsuwa qaatl dinkwaárí alé.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

ESEKIELI 18:6

nee barnaxes i dinku'umisiiká ilahhooa hanmisuuwo dír munguaá hatlá' gawaá tlom'iiwo, slám slaqsi'iidaá mungui taa tleéhh nee múk Israeli gi haralintati'iiká, bar nee harér inslaawmoowós i alhi'iimitiaaká, laqaá naa alqaati'iiká deelór iwa baraá deeloorós i diri',

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 23:41

Aluuwo tari iwité' gawaá kiteeraá hhohhó' nee meésár ta tlabií hhaáf kari geeraaíní qasé'. Gawaá daanduú meésarihe mooyangw'eé' kudá' tsuú' nee di/taeene kaa qaás.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

HOSEA 4:13

Inooín ilahhooár muruú ta tsu/i kan gawaá tlom'ií wá hanmaamiis. Nee ilahhooár da/a/aangw kan gawaá sagér tlom'ií wa hanmiis, baraá guruú xaa'aá ti'ita nee oo ta bay libúa nee ta/eewiro, asma mahhtirós ka hhoohhoo'. An gár dasuuhúng is fuquusi, nee /ameenár taa duxuút is duuxór gaamis as iwa tsee/aá wá hi'iimit.

SEFANIA 1:10

AAKOÓ MUNGÚ i kaahi, «Baalaadae afór /aa/e ka axaas iimír afkuduú gixsár Yerusalemu oo ta bay Afkú doó Siyó, nee tsunqusmoó úr kuri axaas amór bartá hatlá' ar gixsa, nee kududuhoó úr kuri axaas gawaá tlom'ií wa alé.