ESEKIELI 5:8 - Biblía Axweesantá Hhohho' ar Mungú 2004

⁸ Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

ESEKIELI 5:8 Iomraidhean Croise

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

WA/AA/I 3:3

Looeemaawo dakós guna tleés iwa slahhi, iri inkakií/ tlatla/aangw sleémeero.

ESEKIELI 11:9

Aníng kuungá' nu duúx baraá gixsár wa alé, nee nuri qaás gawaá dabaá múk xoordaá hatlá', aníng kuungá' nuri sakwasleemuút.

ESEKIELI 13:8

«Gawaá adoorihe anuú Aakoó MUNGÚ a kah, ‹Axweesantahúng a al/ayma nee iigu'utuhúng a lamtá tawo. Gimsé', aníng nee kuungá' ti araán. Aníng Aakoó MUNGÚ tí aga oó'.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 30:19

Adoorí an adór múk Misri ngur sakwasleemuút. Nee muu gari tsaahh adór aníng tar AAKOÓ MUNGÚ.»

ESEKIELI 34:10

Anuú Aakoó MUNGÚ a kah, Aníng nee kuungá' de'eemuuse ti araán. Aníng kuungá' nu hingeés bee/angw'eé' kuwa sawaawuti'iinda', slám a malé ya/amaaká bee/angw'eé' kuwa de'eenda'. Pa/ángw kuungá' tiwa kiloohúng /aymisa' u sleera'aaká. Bee/angw'eé' un tuú/ baraá aferhúng wa ale, mukuwa malé /aáy.»

ESEKIELI 35:3

Kibeeto, anuú Aakoó MUNGÚ a kah, ‹Aníng nee kiíng ti araán, aá tloomár Seiri, dakw'eé' un tleés gawaawók, tari deewá' nee iri xaanxay tleéhh.

ESEKIELI 39:1

AAKOÓ MUNGÚ ina báy, «Heewí, aariím daanduú Goguwo, kubeeto, Anuú Aakoó MUNGÚ a kah, ‹Aníng nee kuúng, ti araán, kuúng Gógu, waawutmoó úr oo xoordaá Mesheki nee Tubali.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.