ESEKIELI 5:6 - Biblía Axweesantá Hhohho' ar Mungú 2004

⁶ Ala yaamuloouuser'ín hara'ayar'eé' nga si'iyé', tari ló'wa tlakúy ta xoorduuká' yaamuuká nga harweeri'i. Eeít, hara'ayar'eé' nga si'iyé', nee adoodá' aníng ngir gan'aamiis ngina geexayé'.

ESEKIELI 5:6 Iomraidhean Croise

2 WAAWITÁ 21:11

«Asma waawutmo Manase muruú buhhtamís guna tleéhh tam xoorór múk Amori ba/a, tidá' baraadá' i dirii', nee inós múk Yuda guri baraá tlakweemií dahaás ar murslaaqatuudá' aa tleéhh,

2 WAAWITÁ 21:9

Ala inooín tí nga iiárií qaasi'iiká, Manase inooín giri dahaás baraá tlakweemaá yaariir tam kudaá xoorduudá' AAKOÓ MUNGÚ aa hhaamiís geeraá Israeli wa aleeró ba/a.

NEHEMIA 9:34

Waawitaárén nee geeraharuuseerén, nee kaahamuusero, nee baabi'iirene, dabeerók nga ohi'iiká nee hara'ayarók ngaa iiárií qaasi'iiká, nee gurbu'uungók sleeme kudá' taa dir'ín i ó'.

NEHEMIA 9:35

Inooín kuúng ugwa sagadiyusi'iiká baraá waawuti'iimar'ine nee baraá hhooeemawók kudá' yaariir taa dir'ín i hanís, tam baraá yaamuudá' yaariir awa hhapér hhó' koomá', inooín tleehhmi'ii'ín kudá' tlakw ngaa may'iiká.

WARA'AMI 106:20

Xirfuú Mungú kuri warqeés, ar murslaaqatuú adór damár gitsór /aay.

WARA'AMI 78:10

Asma alqadór Mungú ngaa oohi'iiká, ala nina si'iyé' dabeerós kawa eehari.

TI'INAANGW 16:28

AAKOÓ MUNGÚ Mose guri báy, «Hara'ayduueé' nee daber'eene ki siaiinda' ay xaylá?

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 16:51

«Ala Samaria tam tlaqtá tlakweemaá adór kók gaa tlehhká. Kiíng muruú yaariír oo buhhtamís ugwa tléhh ta inooine. Barnaxes tlakweemaawós in alqoomeemesa nee awa hhaeewók, tlakweemaaín a gaarooká ta koge.

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.