ESEKIELI 5:4 - Biblía Axweesantá Hhohho' ar Mungú 2004

⁴ Ala se'éngw niiná taataahheek ku kwáhh baraá asla, ngu /ak. Asma asla i yaamuuká wa ti'ít, múk Israeli sleémeero guri /ák.

ESEKIELI 5:4 Iomraidhean Croise

2 WAAWITÁ 25:25

Qoomár slahhángw faanqwe Ishmaeli garmoó Netania, nángw naangó Elishama, kuduú tlahhoó waawutmo, ina amór Gedalia káy inós dinkwa nee múk mibaangw, Gedalia nguri muxiyé', ngway gaasiyé'. Inós sleeme múk Yahudi nee oo Kaldayo kudá' baraá Mispárí dirií' guri tsuú/.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 48:45

Múk aa slaaqamiit i huungu/umaá waydú leelehhitiyá' dír gixsár Heshboni, asma asla aa ót baraá gixsár wa alé. Tsángw asla naa tláy amór doó waawutmo Sihoni wa alé. Yaamaá Moabu gaa hhaamiís, asla tlom'aá mukwí oo taamberuuse gaa /ák.

YEREMIA 52:30

Kurkú mibeeri tsár nee tám oo waawuti'iimár Nebukadnesa, Nebusaradani geeraharusmoó úr oo xuumuuse, múk Yahudi oo ira tláy a tsiire faanqw mibeeri tsiyáhh nee kooán. Muu sleémeero oo taa loohatís dinkwaaro a kume tsiyáhh nee tsiire lahhoó'.

ESEKIELI 5:3

Se'éngw niiná ku tsék baraá paslmír hiyaywók.

ESEKIELI 5:5

«Anuú Aakoó MUNGÚ a kah, Aníng gixsár Yerusalemu a gixsár afhhamít tleéhh baraá yaamuwo, nee xoordaá hatlá' awa bihhe sleémeerowo ngiri slaiyá'.