ESEKIELI 5:17 - Biblía Axweesantá Hhohho' ar Mungú 2004

¹⁷ Aníng kiíng u qwárkwí huúw, nee makaá xaraaslá' kudá' na/iiwók ngi /ayá', nee tiqtír pu/i, tsu/uta nee slaqwara in hardát as iwa hhaamiis. Anuú AAKOÓ MUNGÚ tí aga oó'.»

ESEKIELI 5:17 Iomraidhean Croise

2 WAAWITÁ 17:25

Qoomár mukduú geera iwa baraadá' i dáh, inooín AAKOÓ MUNGÚ ngwa haratlinti'i'iiká, gawaá adoorihe Mungú direeri giri ya/aáw, nee direeridá' muu bahh'ale nguri ohiné'.

TI'INAANGW 23:29

Múk xoordu u guusaaká gawaá qoomár kurkú wákí ale, as yaamu mindiwa deewaiyé', aluuwo makaay munduwa altlahhiyé'.

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

ESEKIELI 14:15

«Barnaxes makaá sla/a awa xaraaslá' in ya/aawa muu nguwa /ayiya', na/ii'ín ngiri hayohiyá', yaamu niri deewaaiyá', nee heé waarahhamuú baraá yaamuudá' gu qiítl tumu wák iri kaahh as makaydá' xaraaslá'.

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 17:21

Slaqwaruuseerós tidá' pihh'uumár koom ka tsuu/ ar paánga, nee kudá' naa meetiye' niri diyaa/atiyá' bihhe sleémeero. Daqaní kuungá' a tsahhá' adór anuú AAKOÓ MUNGÚ tí ngina oó'.»

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 21:32

Kuungá' tari migír baraá aslto, tseererhúng iri ku'út baraá yaamu. Kuungá' heé nu baloó insláw i kaahh.› Anuú Aakoó MUNGÚ tí aga oó'.»

ESEKIELI 22:14

Xáy, pihh'uuma aqo koónda bál aníng nee kiíng birta awaán? Anuú AAKOÓ MUNGÚ tí aga oó', nee an boo/eés.

ESEKIELI 23:47

Daqtí giri tlaqút ar tlaa/e, nee giri i haratleér ar paangadu, nee na/ii'ín awa daaqaay nee awa dasuuwo kiri tsuú/, nee maray'ín kiri daá/ ar asla.

ESEKIELI 26:14

Nuri tlaa/ár kaahaar tleéhh, tari dír baratsufaay kway intlaahan, nee ti malé tleehhiiká. Asma anuú AAKOÓ MUNGÚ tí ngina oó'.»

ESEKIELI 28:23

Aníng tiqti ngi amoorók i kwaáhh, nee tseerdu kiri ku'uus baraá lohduuwoge, muu kuri tsuu/ baraawoge, umuú barto kiri tsuu/ ar paánga. Daqaní kari tsaahh adór aníng tar AAKOÓ MUNGÚ.› »

ESEKIELI 30:12

Aníng yaaér Nili nee duxeerose a kahaás, nee yaamaá Misri in weeriís dír múk tlákwií ale, yaamu sleémeero awa Misri i hhitiím ar dabaá múk dahaaye. Anuú AAKOÓ MUNGÚ tí ngina oó'.

ESEKIELI 33:27

«Kibeeto, Anuú Aakoó MUNGÚ a kah, Adoodá' aníng nir hotaatima, looeemaawo kudá' sleémeero aa baraá gixsadií meet kin hhaamiis ar paánga, heé tsee/aá /awaákí dirií' ku /aay nee makaá xaraaslá', kudá' baraá koo/ír gawít i dirií', nee kuduú baraá mar'o, tiqtír pu/i gin tsú/.

ESEKIELI 37:14

Aníng qeeruueé' un baraahúng i qaás, nee kuungá' tari slafá', aníng kuungá' nuri male ki/ís baraá yaamuuhúng i ale. Daqaní kuungá' a tsahhá' adór anuú AAKOÓ MUNGÚ tí ngira oó', nee aníng an tleéhh. Anuú AAKOÓ MUNGÚ tí ngina oó'.»

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 5:16

Qoomaadae maheerieé' kudá' ngwatsayen awa qwari ngin tlaquút as iwa slaya', yaamuloouuseerók ngari hhaamisiyá'. In tsuú/ ar qwari, asma balangw'ín kudá' naa batsiyé' un hhitiím.

ESEKIELI 6:1

Axweesantá AAKOÓ MUNGÚ ana axaás, i kat,

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

DABE 32:24

Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.