ESEKIELI 5:16 - Biblía Axweesantá Hhohho' ar Mungú 2004

¹⁶ Qoomaadae maheerieé' kudá' ngwatsayen awa qwari ngin tlaquút as iwa slaya', yaamuloouuseerók ngari hhaamisiyá'. In tsuú/ ar qwari, asma balangw'ín kudá' naa batsiyé' un hhitiím.

ESEKIELI 5:16 Iomraidhean Croise

2 WAAWITÁ 6:25

Adoorí giyér hhamhhám gari húp baraá gixsár Samariaro. Tlaxo iri tsa/aán ságw daqwaay kuri weeriís ar parhheemaá mibeeri dakaát awa peésa, nee slooqoó niiná oo /o/ór hhooki gár kura weermiís a parhheemaá kooán awa peésa.

WARA'AMI 7:13

Inós xooslár slaqwara gaa amohhe'eés, nee maheerá qarko.

ISAYA 3:1

Ga/aawaak Aako, AAKOÓ MUNGÚ Aleesleemusmo, baraá Yerusalemu nee Yudawo nu harahhifo hingees, nee haraxu'utír muruú /aymaro, nee ar muruú wahaangw sleémeero.

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

WA/AA/I 3:12

Ga/aleerós gana uuruúx aníng iri qoomeés, adór dír i mahaangós ar qoomeesi.

ESEKIELI 14:13

«Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

ESEKIELI 4:16

Iri malé báy, «Heewí, ga/aaweek, aníng muruú /aymár baraá gixsár Yerusalemu u hayóh, yaamuloouuser'ín gár i /ak a muruú /aymár ta qoomeemesi ar dae, ma'aá wahaangw a kudá' ta qoomeemesi ar xure.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 5:17

Aníng kiíng u qwárkwí huúw, nee makaá xaraaslá' kudá' na/iiwók ngi /ayá', nee tiqtír pu/i, tsu/uta nee slaqwara in hardát as iwa hhaamiis. Anuú AAKOÓ MUNGÚ tí aga oó'.»

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.