ESEKIELI 5:14 - Biblía Axweesantá Hhohho' ar Mungú 2004

¹⁴ Slám malé alé kiíng gixsár Yerusalemu i adór panmo tleéhh, nee tari gár ta waaqaqai nee xoordu, kudá' iga harweeriye', nee dír ilaá mukdá' waraahha ar bihhiiwók.

ESEKIELI 5:14 Iomraidhean Croise

NEHEMIA 2:17

Naagáy ngiri báw, «Hamí slahh'amurén u ga/eerá'aáke adór Yerusalemu kara sluhhúy, nee afeerós kara qororo'oós ar asla. Gimsé', qwalaas koo/ír Yerusalemu a malé tleehhaán as mitiwa malé mureekeés.»

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

YEREMIA 23:40

Aníng kuungá' nu mureekeés ay kureeraá kureér nee murér ta baloó gunqaresa'aaká a sleerá'.› »

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

WA/AA/I 5:18

Asma tloomár Siyoni kaa kilós geexáy, tawer i baraá tanguuwós wa harweeriirín.

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

ESEKIELI 16:57

Xáy, adoorí aga tlehhkáhe qoomár tlakweemaawók kiwa geehhooatisiiká? Hám daxta, kiíng nee Sodoma aga qoondé'. Kiíng daxta a gár waaqa'atiit dír geeraá dasuú Edomu nee inslaawaywós sleémeero, nee dír Filisti nee inslaawaywós kudá' aáng kiíng iga aahhi.

ESEKIELI 22:4

Kiíng a dakuúsár koón, asma tseerdaá muu iga ku'ús. Taa kilók meetagás ar slaqsi'iidaá munguaá hatlá' kudá' taa kilók tlehhít. Deeloorók ar sakwasleema aga kilók tseewés, eeít, deeloorók kaa faár. Gaarí an gár isa haniís tiwa niqimisi nee xoordaá hatlá', nee yaamu sleémeero iwa waaqaqaiya'.

ESEKIELI 23:32

«Anuú Aakoó MUNGÚ a kah, ‹Naxooro a wát baraá xooslmooduú hho'oorók kudá' tleér yaangariír, muu iri waaqasén iri waaqaa', slám xooslmoowók i haats.

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

ESEKIELI 36:34

Yaamuudá' aáng na xaanxay tleehhitiye' kin malé doosl, tam múk baraadár waaraáhh mingiwa ár tawa xaanxaay.

ESEKIELI 6:6

Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.