ESEKIELI 5:13 - Biblía Axweesantá Hhohho' ar Mungú 2004

¹³ «Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

ESEKIELI 5:13 Iomraidhean Croise

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 15:9

Aayoodá' na/aá faanqw gi koom i gwagwa'aán, i slaraará/, looaarós aa tla/ángw doorí dát. Inós kaa mureekeés, kari alsi'imúy. Mukdá' aa meet aníng ugwa haniís kuwa geeraá wakuuser'ín wa tsu/i. Anuú AAKOÓ MUNGÚ tí ngina oó'.»

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

WA/AA/I 4:22

Kuungaá múk Siyoni, muxtár tlakweemaahúng aa fák, kuungá' daxta tundu baraá looháy mayká. Ala kuungaá Edómu, tundun muux as tlakweemaahúng, tlakweemaahúng gin geehhooees.

ESEKIELI 13:15

«Buhhtaaeé' in faák gawaá daanduú koo/irí nee daanduú mukdá' gaa /awaakees. Kuungá' tunduri bay, koo/idá' i káhh, nee mukdá' sleeme gaa /awaakees i kaahh.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 16:42

Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 17:21

Slaqwaruuseerós tidá' pihh'uumár koom ka tsuu/ ar paánga, nee kudá' naa meetiye' niri diyaa/atiyá' bihhe sleémeero. Daqaní kuungá' a tsahhá' adór anuú AAKOÓ MUNGÚ tí ngina oó'.»

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 21:17

Aníng tsa/i i slaáhh, sakwasleemar'eé' a bu'utiís. Anuú AAKOÓ MUNGÚ tí aga oó'.»

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 23:25

Aníng kiíng in i buúhh, inooín kiíng iri slahh'eemisiyá' ar buhhtaá xaraaslá', kiíng in duunga tsatiyá' nee iaawo, nee mukók kudá' aa meet kuri tsuú/ ar paánga. Na/iiwók awa daaqaay nee awa dasuuwo kin ar tláy, nee mukók kudá' aa meet kuri qororo'oos ar asla.

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

ESEKIELI 43:8

Waawitaaín ina tleehhiít, nahhtaín ngina tleehhiyé' bihhaá nahhtaeé', nee duxutamaaín bihhaá duxutmooeé', nee maandaduuín bihhaá maandar'eé', aníng nee inooín gár taa paratl a har koo/i kilós. Gawaá adoorihe aníng iri meetagaasiyé' ar muruuín kudá' slasla/arén naa tlehhiitiyé'. Aníng niri buúhh, ngiri hhaamiís.

ESEKIELI 6:10

Diirí an didaádá' ngiwa intsaatsahhiya' adór aníng tar AAKOÓ MUNGÚ, iga tawo naxwiiká, a ngiwa amotlakweérí huúw.»

ESEKIELI 6:12

Heé saáw tiqtír pu/i gu gás, heé tseéw ku gaas ar paánga. Panmoó aa meet, oo taa geexáy kuká' tsár niwa qatliyé' un alhhe'eés ar qwari. Adoorí an adoodá' buhhtaeé' ngir boo/ees daanduuine.

ESEKIELI 7:3

Hám daxta alhhe'eesay naa hardáh. Buhhtaeé' awa xaraaslá' daanduhunge i axasá', nun sakwasleemuút ar har qoomoó tlehhmi'iihúng, nun sakwasleemuút as muruudá' sleémeero aníng i buhhtamís taa tlehhé'.

ESEKIELI 7:8

«Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

HOSEA 10:10

Aníng a daqáw amór mukwí nee nguri muúx. Xoordu nin burumburitiyá', inooín kiri i haratláy, kiri muux as tlakweemaaín kudá' naa harwaraahhiye'.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.